মথি লেখ্যে গম্ হবর্ 27:31 - Chakma Bible

³¹ তারে তামাজা গরানার পরেদি তারা সেই পোজাক্কান্ খুলি নিলাক্ আর তার্ নিজোর্ কাবড়-চুগোড়ানি উরেইনে তারে ক্রুশোত্ দিবাত্তে নেযা ধুরিলাক্।

মথি লেখ্যে গম্ হবর্ 27:31 ပူးပေါင်းရင်းမြစ်များ

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

যিশাইয় 53:7

তে অত্যেচারিত অলঅ আর দুঘ্ পেলঅ, মাত্তর্ তো তে মুয়োন্ ন-খুলিলো; কাবি ফেল্যে ভেড়া ছঅ ধোক্ক্যেন, কেশ্ উগুরেয়্যেগুনো মুজুঙোত্ জুরো গুরি থেইয়্যে পাদি ভেড়া ধোক্ক্যেন তে মুয়োন্ ন-খুলিলো।

গণাণা 15:35

সেক্কে লগেপ্রভু মোশিরে কলঅ, “মানুচ্চোরে মারে ফেলা পুরিবো। তাম্বুলো বারেন্দি নেযেইনে বেক্‌ ইস্রায়েলীয়গুনে তারে পাত্তর্‌ মারিবাক।”

মথি লেখ্যে গম্ হবর্ 20:19

তারা তা বিচের্ গুরিনে তারে মরণর যোগাজ্যে বিলি থির্ গুরিবাক্। তারা তারে ঠাট্টা-মশকারী গুরিবাক্ আর চাবুক্ মারিবাক্ আর ক্রুশোত্ দিবাত্তে অযিহূদীগুনো আঢত্ দিবাক্; পরেদি তিন দিনোত্ তে মরণত্তুন্ জেঈ উদিবো।”

মথি লেখ্যে গম্ হবর্ 21:39

সেক্কে তারা সেই পুয়োবোরে ধুরিনে আংগুর খেদত্তুন্ বারেদি নেযেইনে মারে ফেলেলাক্।

মথি লেখ্যে গম্ হবর্ 26:2

“তুমি দঅ হবর্ পঅ আর দ্বিদিন্ পরেদি উদ্ধোর-পরব্, আর মান্‌জ্য পুয়োবোরে ক্রুশোত্ দিবাত্তে ধুরি দিয়্যে অবঅ।”

মার্ক 15:20

যেক্কেনে তারা যীশুরে তাট্টা তামাজা গরানা শেজ্ গুরিলাক্ সে পরেদি তারা তা বিগুনী রঙর্ ঢিলেঢালা পোজাক্কান্ খুলি নেযেলাক্ আর তারার্ নিজো পোজাক্কানি উরে দিইনে তারে ক্রুশোত্ দিবাত্তে নেযা ধুরিলাক্।

যোহন 19:16

সেক্কে পীলাতে যীশুরে ত্রুুশোত্ দিবাত্যে তারা আদত্ দি দিলো। সেক্কে সৈন্যগুনে যীশুরে নেযেলাক্।

যোহন 19:27

যেরেদি সেই শিচ্চ্যবোরে কলঅ, “উইয়ো চাহ্, তঅ মাবো।” সেক্কেত্তুন্ ধুরি সেই শিচ্চ্যবো যীশুর্ মাবোরে তা নিজো ঘরত্ নেযেল।

প্রেরিত্‌ 7:58

যেরেদি তারা তারে পাত্তর্ মারিবাত্তে টানিনে শঅর বারেদি নেযেলাক্, আর সাক্ষীগুনে তারা উগুরে কাবড়ানি খুলিনে শৌল নাঙে এক্কো গাবুজ্জ্যে মরদ ঠেংঅ কুরে থলাক্।

ইব্রীয় 13:12

সেবাবোত্যে গুরি যীশুয়ো যিরূশালেম শঅরর্ বারেদি দুঘ্ পেইনে মোজ্জ্যে, যেন তার্ নিজোর্ লো-গান্দোই মান্‌জ্যরে পাপত্তুন্ সিজি গুরি পারে।