মথি লেখ্যে গম্ হবর্ 27:3 - Chakma Bible

³ যীশুরে শত্রুগুনো আঢত্ যে ধুরি দিয়্যে সেই যিহূদা যেক্কে দেগিলো যীশুরে বিচেরত্ দুষি বিলি ঠিগ্ গরা ওইয়্যে সেক্কে তার্ মনত্ দুঘ্ অলঅ। তে আজল্ ধর্মগুরু আর বুড়ো নেতাগুনো ইধু সেই তিরিস্‌চো রূবোর্ দীনার্ ফিরেই দিইনে কলঅ,

মথি লেখ্যে গম্ হবর্ 27:3 ပူးပေါင်းရင်းမြစ်များ

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

যাত্রা 21:32

কনঅ‌ গোরু যুনি কনঅ চাগর্ বা চাগরানিরে মেরেইনে মারে ফেলায় সালে তা গিরোজ্‌সোরে সে গোরুর্‌ গিরোজ্‌‌সো ত্রিশ কট্টা রূবো দিবো, আর সেই গোরুবোরে পাত্তর্‌লোই দলা মারিনে মারে ফেলা পুরিবো।

সখরিয় 11:13

সেক্কে লগেপ্রভু মরে কলঅ, “আহ্, কি সেই দামান্ যিয়েন তারা মর্ মূল্য ইজেবে ঠিগ্ গোজ্যন! সিগুন কুমোর ইধু ফেলেই দুয়ো।” সে পরেদি মুই সেই ত্রিশছো রূবোর্ কট্টা নিইনে লগেপ্রভুর ঘরত্ কুমোর ইধু ফেলেই দিলুং।

যোহন 13:2

সেক্কে হেবার্ অক্‌ত। ইয়েন আগেদি শদানে শিমোনর্ পুয়ো যিহূদা ইষ্কারিয়োত মনত্ যীশুরে শত্রুগুনো আঢত্ ধোরেই দিবার্ আওজ্‌চান্ জাগেই দিয়্যে।

যোহন 13:27

রুটির্ কট্টাগান্ লনার্ পরেদি শদানে যিহূদা ভিদিরে সোমেল। যীশু তারে কলঅ, “যিয়েন্ গুরিবে যাদিমাদি গর্‌।”

যোহন 18:3

আজল্ ধর্মগুরুগুনে আর ফরীশীগুনে যিহূদারে এক দল্ সৈন্য আর কয়েক্কো চাগর্ দিলাক্। সেক্কে যিহূদা তারা সমারে চেরাগ্, বম্বা আর আত্ত্যার্ লোইনে সিয়েনত্ লুমিলো।

প্রেরিত্‌ 1:18

ভান্ন্যেই কাম্বোই যিহূদা যে টেঙাগুন্ পেয়্যে সিগুনদোই তে এক্কেনা ভুই কিনিলো আর সিয়েনত্ পড়িনে তা পেট্‌তো ফাদি গেলঅ আর আদুড়ি নিগিলি গেলঅ।

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।