মথি লেখ্যে গম্ হবর্ 27:29 - Chakma Bible

²⁹ পরেদি তারা কাদা-লুদিলোই এক্কো মুকুট বানেইনে তা মাঢাবোত্ পিনেই দিলাক্, আর তা ডেন্ আঢত্ এক্কো লুদিক্ দিলাক্। সে পরেদি তা মুজুঙোত্ আঢু পাদিনে তারে তামাজা গুরিনে কলাক্, “যিহূদী-রাজ, জয় ওক্!”

মথি লেখ্যে গম্ হবর্ 27:29 ပူးပေါင်းရင်းမြစ်များ

গীতসংহিতা 69:7

মুই তত্তেই অগমান সোজ্য গোজ্যং, অসর্মানে মর্ মুয়োন ঢাগা যেইয়্যে।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

যিরমিয় 20:7

ও লগেপ্রভু, তুই মরে ভুলেয়োচ্ বিলিনে মর্ এ অবস্থা ওইয়্যে; তুই মত্তুন বেশ্ খেমতাবলা বিলিনে তুই জিত্যস্। মুই সারা দিন ঈচ্ গরা হেইয়্যে মানুচ্ ওইয়োং; বেক্কুনে মরে ঈচ্ গরন।

মথি লেখ্যে গম্ হবর্ 20:19

তারা তা বিচের্ গুরিনে তারে মরণর যোগাজ্যে বিলি থির্ গুরিবাক্। তারা তারে ঠাট্টা-মশকারী গুরিবাক্ আর চাবুক্ মারিবাক্ আর ক্রুশোত্ দিবাত্তে অযিহূদীগুনো আঢত্ দিবাক্; পরেদি তিন দিনোত্ তে মরণত্তুন্ জেঈ উদিবো।”

মথি লেখ্যে গম্ হবর্ 26:49

সেনত্তে যিহূদা সোজা যীশু ইধু যেইনে কলঅ, “মাষ্টরবাবু, তর্ শান্তি ওক্।” আর তে তারে চুমিলো।

মথি লেখ্যে গম্ হবর্ 27:37

তারা ক্রুশোত্ যীশুর মাঢা উগুরেদি এ দুষ্-নামাগান্ লাগেই দিলাক্, “ইবে যীশু, যিহূদীগুনোর্ রাজা।”

মার্ক 15:17

তারা যীশুরে বেগুনো রঙর্ কাবড় উরেই দিলাক্, আর কাদা-লুদিলোই এক্কো মুকুট্ বানেইনে তা মাঢাবোত্ পিনেই দিলাক্।

মার্ক 15:18

সে পরেদি তারা যীশুরে কুয়ো ধুরিলাক্, “যিহূদী-রাজ, জয় ওক্!”