মথি লেখ্যে গম্ হবর্ 27:25 - Chakma Bible

²⁵ জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

মথি লেখ্যে গম্ হবর্ 27:25 ပူးပေါင်းရင်းမြစ်များ

২ শমূয়েল 1:16

দায়ূদে সে গাবুজ্যেবোরে কলদে, “তর্‌ মরণানত্তে তুই নিজেই দায়ী, কিত্যে তর্‌ মুয়ো কধানি তর্‌ বিরুদ্ধে সাক্ষী দিয়্যেদে, লগেপ্রভুর অভিষেগ গোজ্যে মানুচ্চোরে তুই মারে ফেলেয়োচ্‌।”

১ রাজাবলী 2:32

যে লো-গানি তে ঝোরেয়্যে সে হেনাবো লগেপ্রভু নেযেব, কিত্যে মঅ বাপ্পো দায়ূদে হবর্‌ ন-পেইয়্যেগুরি দ্বিজন মান্‌জ্যরে আক্রমণ গুরিনে মারে ফেলেয়্যে। তারা অলাক্‌ ইস্রায়েলর সৈন্যদলর সেনাপতি নেরর পূঅ অব্‌নের আর যিহূদার সৈন্যদলর সেনাপতি যেথরর পূঅ অমাসা। এ দ্বিজনই এলাক্‌ তাত্তুন্‌ বেশ্‌ আরঅ খাটি আরঅ গম্‌ মানুচ্‌।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

গণাণা 35:33

তুমি তমার্‌ দেজ্‌ছানরে ফিবলা ন-গুরিবা, কিত্যে লো নিগিলিলে দেজ্‌ছান ফি-বলা অয়। যে দেজত্‌ লো নিগিলে-নিগিলি ওইয়্যে লো দিয়োবোর্‌ লো বাদে আর কেধোক্ক্যেনগুরি সেই দেজর্‌ ফি-বলাগান্‌ ঢাগি দিয়্যে ন-যায়।

মথি লেখ্যে গম্ হবর্ 21:44

যে এই পাত্তর্‌‍বো উগুরে পড়িবো তে ভাঙিনে কট্টা কট্টা ওই যেবঅ আর সেই পাত্তর্‌বো যিবে উগুরে পড়িবো তে ভস্ত ওই যেবঅ।”

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

দ্বি’লম্বর বিররণ 19:10

তুমি ইয়েন গুরিবা যেনে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার্‌ সে দেজ উগুরে নিদ্দুজি মানুচ্চুনোর লো ন-ঝরে আর লো ঝরানার দুষে তুমি দুষি ন-অ।

দ্বি’লম্বর বিররণ 19:13

তারে তুমি কনঅ দোয়্যে ন দেগেবা। তুমি ইস্রায়েলীয়গুনো ভিদিরেত্তুন্‌ নিদ্দুষী মানুচ্চুনোর লো-ঝরানার দুষ্‌চানি পুঝি ফেলেবা। সেক্কে তমার ভালেদি অবঅ।

যিহোশূয় 2:19

সেক্কে যুনি কনজনে তমা ঘরত্তুন নিগিলিনে পদথ্‌ যান্‌ সালে তে নিজেই তার মরানাত্তে দায়ী থেবঅ। আমি তাত্তেই দায়ী ন-অবং। মাত্তর্ যিগুনে তঅ‌ লগে এ ঘরঅ‌ ভিদিরে থেবাক্‌ তারা কারঅ‌ উগুরে যুনি আঢ্ বাজা অয় সালে তার্‌ মরাণাত্তে আমি দায়ী থেবং।