মথি লেখ্যে গম্ হবর্ 27:2 - Chakma Bible

² তারা যীশুরে বানি নেযেইনে রোমীয় আজল্ শাসনগুরিয়্যে পীলাত আঢত্ দিলাক্।

মথি লেখ্যে গম্ হবর্ 27:2 ပူးပေါင်းရင်းမြစ်များ

পত্থম 22:9

যে জাগায়ান কধা গোজেন অব্রাহামরে কোইয়্যে তারা সিয়েনত্‌ যেইনে লুমিলাক্‌। সিয়েনত্‌ লুমিনে অব্রাহামে এক্কো ডালিপূজো বানেইনে সিবে উগুরে দার্‌বো সাজেল। পরেদি ইস্‌হাকরে বানিনে তারে সে ডালিপূজোবো দার্‌বোগানি উগুরে রাগেল।

মথি লেখ্যে গম্ হবর্ 20:19

তারা তা বিচের্ গুরিনে তারে মরণর যোগাজ্যে বিলি থির্ গুরিবাক্। তারা তারে ঠাট্টা-মশকারী গুরিবাক্ আর চাবুক্ মারিবাক্ আর ক্রুশোত্ দিবাত্তে অযিহূদীগুনো আঢত্ দিবাক্; পরেদি তিন দিনোত্ তে মরণত্তুন্ জেঈ উদিবো।”

মথি লেখ্যে গম্ হবর্ 28:14

এ কধাগান্ যুনি আজল্ শাসনগুরিয়্যেবো শুনে সালে আমি তারে বুঝেবং আর সাজা আঢত্তুন্ তমারে রোক্ষ্যে গুরিবোং।”

লূকে লেখ্যে গম্ হবর্ 13:1

সে অক্তত্ সিধু থেইয়্যে কয়েক্কো মান্‌জ্যে যীশুরে গালীল রেজ্যর্ কয়েকজন মান্‌জ্য পৌইদ্যেনে কলাক্। সিগুনে কলাক্, রোমীয় শাসনগুরিয়্যে পীলাতে এই গালীলীয়গুনোরে কাবিনে তারার্ উৎসর্ব-গোজ্যে য়েমান লো সমারে তারার্ লো-গানিয়ো মিযেয়্যে।

লূকে লেখ্যে গম্ হবর্ 20:20

সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।

লূকে লেখ্যে গম্ হবর্ 23:1

সেক্কে সে মিটিঙোত্ বেক্কুনে উদিনে যীশুরে রোমীয় আঝল্ শাসনগুরিয়্যে পীলাত ইধু নেযেলাক্।

লূকে লেখ্যে গম্ হবর্ 23:12

ইয়েন আগেদি হেরোদ আর পীলাতর্ শত্রূতা এলঅ, মাত্তর্ সেদিন্যেত্তুন্ ধুরি তারা ভিদিরে দাংগুত্ব অলঅ।

লূকে লেখ্যে গম্ হবর্ 3:1

রোম-সম্রাট তিবিরিয় কৈসরর্ রাজাগিরির্ পনর বজরত্ যিহূদিয়া রেজ্যর্ আজল্ শাসনগুরিয়্যে এলদে পন্তীয় পীলাত। সেক্কে হেরোদে গালীল রেজ্যত্ আর তা ভেই ফিলিপে যিতূরিয়া রেজ্যত্ আর ত্রাখোনীতিয়াত্ শাসন গুরিদাক্। লুষানিয়া এলদে অবিলীনীর শাসনগুরিয়্যে,

যোহন 18:12

সেক্কে সেই সৈন্যগুনে আর সেনাপতি আহ্ যিহূদী নেতাগুনোর্ চাগরুনে যীশুরে ধুরিনে বানিলাক্।

যোহন 18:24

সেক্কে হাননে যীশুরে বান্ন্যে অবস্থায় দাঙর্ ধর্মগুরু কাইয়াফা ইধু পাধেই দিলো।

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

প্রেরিত্‌ 12:6

যেদিন্ন্যে হেরোদে বিচেরত্যে পিতররে নিগিলেই আনিবো তা আগ রেদোত্ দ্বিজন সৈন্যর্ সংমধ্যে পিতরে ঘুম যার্। তারে দ্বিআন্ শিগোল্লোই বানি থুয়ো ওইয়্যে আর চুগিদারুনে দুয়োরত্ চুগি দেদন্।

প্রেরিত্‌ 21:33

সেক্কে আজল্ সেনাপতিবো এইনে পৌলরে বন্দী গুরিলো আর দ্বিয়েন শিগোল্লোই তারে বানিবার্ উগুম্ দিলো। সে পরেদি তে পুযোর্ গুরিলো, মানুচ্চো কন্না?

প্রেরিত্‌ 22:25

যেক্কে পৌলরে চাবুক্ মারিবাত্যে বানা অলঅ, সেক্কে যে সেনাপতিবো সিধু থিয়্যেই এলঅ পৌলে তারে কলঅ, “যিবেরে দুষী বিলিনে এজঅ ঠিগ্ গরা ন-অয় এবাবোত্যে এক্কো রোমীয়রে চাবুক্ মারানা কি তমা পক্ষে আইন মজিম্ কাম্ অর্?”

প্রেরিত্‌ 22:29

এ কধাগান্ শুনিনে যিগুনে তারে জেরা গুরিবাত্তে যাদন্ তারা সেক্কেনে গেলাক্‌কোই। যেক্কে আজল্ সেনাপতিবো বুঝি পারিলো, তে এক্কো রোমীয়রে বান্ন্যে সেক্কে তে দোরেল।

প্রেরিত্‌ 24:27

দ্বি বজর্ পার্ ওই গেলে পরেদি ফীলিক্স জাগানত্ পর্কীয় ফীষ্ট এলঅ। ফীলিক্সে যিহূদীগুনোরে হুজী গুরিবাত্যে পৌলরে জেল্‌খানাত্ থোই গেলঅ।

প্রেরিত্‌ 28:20

ইয়েনত্যে মুই তমা সমারে দেগা গুরিবাত্তে আর কধা কবাত্তে চেইয়োং। ইস্রায়েল জাদর্ যে আজা আঘে সেই আজাগানত্তে মরে এ শিগোলান্দোই বানা ওইয়্যে।”

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

ইব্রীয় 13:3

যিগুনে জেলোত্ আঘন্ তারা সমারে যেন তুমিয়ো বন্দী ওইয়ো, আর যিগুনে অত্যেচারিত্ অদন্ তারা সমারে যেন তুমিয়ো অত্যেচারিত অর্, এবাবোত্যে গুরি তারা কধানি ইদোত্ তুলো।

বিচের গুরিয়্যেগুন 15:12

তারা তারে কলাক্‌, “আমি তরে বানিনে পলেষ্টীয়গুনোর আঢত্‌ তুলি দিবাত্তে এচ্ছ্যেই।” শিম্‌শোনে কলদে, “সালে তুমি মইদু শমক্‌ খেইনে কঅ, তুমি নিজে মরে মারে ন-ফেলেবা।”