মথি লেখ্যে গম্ হবর্ 27:1 - Chakma Bible

¹ বেন্যেমাদান্ আজল্ ধর্মগুরুগুনে আর বুড়ো নেতাগুনে বেক্কুনে যীশুরে মারে ফেলেবার্ কধাগান্ ঠিগ্ গুরিলাক্।

মথি লেখ্যে গম্ হবর্ 27:1 ပူးပေါင်းရင်းမြစ်များ

গীতসংহিতা 2:2

লগেপ্রভু আর তার্ মশীহর্ বিরুদ্ধে পিত্‌থিমীর রাজাগুনে একসমারে থিয়্যেদন্ আর শাজন্‌গুরিয়্যেগুনে গুমুরো তেম্মাং গত্তন্।

গীতসংহিতা 31:13

মঅ পৌইদ্যেনে ভালোক্ জনর ইংসে-নিন্দের কধা মঅ কানত্ এচ্ছ্যে, মর্ চেরোকিত্তে অমকদ দর্‍গরেপারা। তারা মঅ বিরুদ্ধে একসমারে সল্লা গত্তন্, মরে মারে ফেলেবাত্তে কুজুরোমি গত্তন্।

গীতসংহিতা 71:10

মর্ শত্রুগুনে মঅ বিরুদ্ধে কধা কদন্; যিগুনে মরে মারে ফেলেবাত্তে চান্ তারা বেক্কুনে মিলিনে সল্লা-তেম্মাং গত্তন্।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মার্ক 15:1

আজল্ ধর্মগুরুগুনে বেন্যেপোত্যে বুড়ো নেতাগুনো লগে, ধর্ম-মাষ্টরুনো লগে আর দাঙর্ তেম্মাঙত্ বেক মানুচ্চুনো সমারে এক্কান্ সল্লা গুরিলাক্। সে পরেদি তারা যীশুরে বানি নেযেইনে তারে রোমীয় আজল্ শাসনগুরিয়্যে পীলাত আঢত্ দিলাক্।

লূকে লেখ্যে গম্ হবর্ 13:1

সে অক্তত্ সিধু থেইয়্যে কয়েক্কো মান্‌জ্যে যীশুরে গালীল রেজ্যর্ কয়েকজন মান্‌জ্য পৌইদ্যেনে কলাক্। সিগুনে কলাক্, রোমীয় শাসনগুরিয়্যে পীলাতে এই গালীলীয়গুনোরে কাবিনে তারার্ উৎসর্ব-গোজ্যে য়েমান লো সমারে তারার্ লো-গানিয়ো মিযেয়্যে।

লূকে লেখ্যে গম্ হবর্ 22:66

বেন্ন্যে পহর্ অলে পরেদি যিহূদীগুনোর্ বুড়ো নেতাগুনে, আঝল্ ধর্মগুরুগুনে আর ধর্ম-মাষ্টরুনে এক সমারে মিলিলাক্ আর যীশুরে তারার্ দাঙর্ সভা মুজুঙোত্ আনিনে কলাক্,

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

প্রেরিত্‌ 5:21

তারা সেই কধা মজিম বেন্যে-পোত্যে উবোসনা-ঘরত্ সুমিনে মানুচ্চুনোরে শিক্ষ্যে দিয়্যে ধুরিলাক্। ইন্দি দাঙর্ ধর্মগুরু আর তা লগে সদ্দূকীগুনে বড়সভা ডাগিলাক্, অত্তাৎ ইস্রায়েলীয় বুড়ো নেতাগুনোর বেক্ দল্লোরে ডাগিলাক্। সে পরেদি তারা দিপাধেয়্যে প্রচারক্কুনোরে আনিবাত্যে কয়েক্কো চাগররে পাধেলাক্,

বিচের গুরিয়্যেগুন 16:2

শিম্‌শোনে সিদু যেইয়্যে শুনিনে ঘসার মানুচ্চুনে জাগায়ান ঘিরিনেই রাগেলাক আর পুরো রেত্তো শঅ্‌রর গেট্টোর ইদু তারে হাপ্‌ দি রলাক্‌। রেদোত্‌ তারা চুব্‌গুরি থেলাক্‌ আর কলাক্‌, “বেন্যে পহর্‌ অলে আমি তারে মারে ফেলেবং।”

১ শমূয়েল 19:11

দায়ূদো উগুরে নজর্‌ রাগেবাত্যে শৌল তার ঘরত্‌ মানুচ্‌ পাধেই দিলো যেনে তারকেল্যে বেন্যে তারে মারে ফেলা অয়। মাত্তর্‌ তা মোক্কো মীখল তারে বেক্কানি জানেইনে কলঅ, “এচ্চ্যে রেদোত্‌ তুই যুনি পরাণান্‌দোই ধেই ন-যাচ্‌ সালে কেল্যেই তুই মারা পুরিবে।”