মথি লেখ্যে গম্ হবর্ 26:56 - Chakma Bible

⁵⁶ মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

মথি লেখ্যে গম্ হবর্ 26:56 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

মথি লেখ্যে গম্ হবর্ 26:31

পরেদি যীশু তা শিচ্চ্যগুনোরে কলঅ, “এচ্চ্যে রেদোত্ মরে নিইনে তমা বেক্কুনো মনত্ মানা এবঅ। পবিত্র বোইবোত্ লেগা আঘে, ‘মুই গরগ্‌কোরে মারে ফেলেম্, সেক্কে পাল ভেড়াগুন্ ছিদি পড়িবাক্।’

মথি লেখ্যে গম্ হবর্ 26:54

বোইবোত্ দঅ লেগা আঘে ইয়েনি বেক্কানি এবাবোত্যে অবঅ।”

যোহন 16:32

চঅ, সেই সময়ান্ এজের্, এন্‌ কি লুম্মেগি, যেক্কে তুমি দল-নেইয়্যে ওইনে মরে গায় গায় ফেলেইনে যে যার্ জাগাত্ যেবাগোই। তো মুই গায় গায় নয়, কিয়া বাবা মঅ সমারে সমারে আঘে।

প্রেরিত্‌ 1:16

“ভেইলগ্, পবিত্র আত্মা ভালোক্ দিন আগে রাজা দাযূদো মুয়োদি যিহূদা পৌইদ্যেনে যিয়েন কোইয়্যে পবিত্র বোইবোর সেই কধাগান পুরেবার্ দরকার এলঅ। যিগুনে যীশুরে ধোজ্যন্, এ যিহূদা তারারে পধ্ দেগেইনে নেযেয়্যে।

প্রেরিত্‌ 2:23

গোজেন, যিবে আগে-বাগে বেক্কানি কোই পারে, যীশুরে তমা আঢত্ দিয়্যে অবঅ। আর তুমিয়ো দঅ পাজি মানুচ্চুনোরে দিইনে তারে ক্রুশোত্ দিইনে মারে ফেলেয়ো।

২ তীমথিয় 4:16

পত্তম্‌বার যেক্কে মর্ বিচের ওইয়্যে সেক্কে কেঅ মরে এজাল ন-দুয়োন্, বরং বেক্কুনে মরে ফেলেই যেইয়োন; মাত্তর্ ইয়েন যেন তারা বিরুদ্ধে ধরা ন-অয়।