মথি লেখ্যে গম্ হবর্ 26:55 - Chakma Bible

⁵⁵ পরেদি যীশু মানুচ্চুনোরে কলঅ, “মুই কি ডাগেত্, তুমি ছুরি আর মুগোর্‌লোই মরে ধুরিবাত্তে এচ্চো? মুই পত্তিদিন্ উবোসনা-ঘরত্ বুয়োইনে শিক্ষ্যে দিদুং, আর সেক্কে দঅ তুমি মরে ন-ধরঅ।

মথি লেখ্যে গম্ হবর্ 26:55 ပူးပေါင်းရင်းမြစ်များ

মথি লেখ্যে গম্ হবর্ 21:23

যীশু উবোসনা-ঘরত্ ফিরি গেলঅ। যেক্কে তে সিয়েনত্ শিক্ষ্যে দের্ সেক্কে আজল্ ধর্মগুরুগুনে আর যিহূদীগুনোর্ বুড়ো নেতাগুনে তাইধু এইনে পুযোর্ গুরিলাক্, “তুই কন্ অধিকারে ইয়েনি গরর্? কন্না তরে এই অধিকারান্ দিয়্যে?”

মথি লেখ্যে গম্ হবর্ 26:47

যীশু সেক্কেয়ো কধা কর্, এমন্ সময়োত্ যিহূদা সিয়েনত্ এলঅ। তে সেই বারজন শিচ্চ্য ভিদিরে একজন এলঅ। তা সমারে বোউত্ মানুচ্ ছুরি আর মুগোর্‌লোই এলাক্। আজল্ ধর্মগুরুগুনে আর বুড়ো নেতাগুনে ইগুনোরে পাধেয়োন।

মার্ক 10:1

পরেদি যীশু সে জাগায়ান্ ফেলেইনে যিহূদিয়া রেজ্যত্ আর যর্দন গাঙর্ অন্য পারত্ গেলঅ। বোউত্ মানুচ্ আরঅ তাইধু এইনে তুবেলাক্। সেক্কে তে তার সুদোম্ মজিম্ মানুচ্চুনোরে শিক্ষ্যে দিয়্যে ধুরিলো।

মার্ক 12:35

যীশু উবোসনা-ঘরত্ শিক্ষ্যে দিবার অক্তত্ পুযোর্ গুরিলো, “ধর্ম-মাষ্টরুনে কেধোক্ক্যেনগুরি কন্ মশীহ দায়ূদো বংশধর্ অবঅ? দায়ূদে দঅ পবিত্র আত্মার পরিচালনায় কোইয়্যে, ‘প্রভু মঅ প্রভুরে কোইয়্যে, যেদক্ষণ সং মুই তঅ শত্রুগুনোরে তঅ টেঙ তলে ন-রাগাং, যেদক্ষণ সং তুই মঅ ডেনেদি ন-বজস্।’

লূকে লেখ্যে গম্ হবর্ 19:47

যীশু পত্তিদিন উবোসনা-ঘরত যেইনে শিক্ষ্যে দিয়্যে ধল্ল। আজল ধর্মগুরুগুনে, ধর্ম-মাষ্টরুনে আর মানুচ্চুনোর নেতাগুনে তারে মারে ফেলেবাত্তে চেলাক্,

লূকে লেখ্যে গম্ হবর্ 20:1

একদিনোত্ যেক্কেনে যীশু উবোসনা-ঘরত্ মানুচ্চুনোরে শিক্ষ্যে দের্ আর গম্ হবর্ ফগদাং গরের্ । এমন্ সময়োত্ আজল্ ধর্মগুরুগুনে আর ধর্ম-মাষ্টরুনে বুড়ো নেতাগুনো সমারে এইনে যীশুরে কলাক্, “কন্ অধিকারে তুই ইয়েনি গরর্ আর কন্না তরে এই অধিকারান্ দিয়্যে, সিয়েন আমারে কঅ।”

লূকে লেখ্যে গম্ হবর্ 4:20

সে পরেদি তে বোইবো আরঅ বুদিনে কামগুরিয়্যেগুনো আঢত্ দিইনে বুজিলো। সমাজ-ঘরর্ পত্তি মান্‌জ্যর্ চোগ্‌কুন্ তা উগুরে পড়িলাক্।

যোহন 7:14

সে পরবর্ সংভাগত্ যীশু উবোসনা-ঘরত্ যেইনে শিক্ষ্যে দেনা আরাম্ভ গুরিলো। সেক্কে যিহূদী নেতাগুনে আমক্ ওইনে কলাক্,

যোহন 7:28

সিয়েন পরেদি যীশু উবোসনা-ঘরত্ শিক্ষ্যে দিবার্ সময় রঅ ছাড়িনে কলঅ, “তুমি মরেয়ো হবর্ পঅ, আর মুই কুত্তুন্ এচ্চ্যং সিয়েন্-অ কোই পারঅ। তো মুই নিজোত্তুন্ ন-এজং, মাত্তর্ সত্য গোজেনে মরে পাধেয়্যে।

যোহন 8:2

তার্ কেল্যে বেন্ন্যেপোত্যে যীশু আরঅ উবোসনা-ঘরত্ যানার্ পরেদি বেক্‌ মানুচ্চুনে তা ইধু এলাক্। সেক্কে যীশু বুজিনে তারারে শিক্ষ্যে দিয়্যে ধুরিলো।

যোহন 8:20

উবোসনা-ঘরত্ শিক্ষ্যে দিবার্ অক্তত্ দান্ দিবার জাগানত্ যীশু ইয়েনি বেক্কানি কলঅ। মাত্তর্ সেক্কেয়ো তার্ সময় ন-অয় বিলি কনজনে তারে ন-ধুরিলাক্।