মথি লেখ্যে গম্ হবর্ 26:53 - Chakma Bible

⁵³ তুই কি মনে গরচ্, মুই মঅ বাপ্পোরে ডাগিলে তে ইক্কিনে মরে আজার্ আজার্ স্বর্গদূত্ পাধেই ন-দিবো? মাত্তর্ সালে পবিত্র বোইবোর্ কধাগান্ কেধোক্ক্যেন্ গুরি পূরোণ্ অবঅ?

মথি লেখ্যে গম্ হবর্ 26:53 ပူးပေါင်းရင်းမြစ်များ

২ রাজাবলী 6:17

সে পরেন্দি ইলীশায় এ তবনাগান গুরিলো, “ও লগেপ্রভু, তা চোখ্‌কুন্‌ খুলি দে যেনে তে দেগে।” সেক্কে লগেপ্রভু সে চাগর্‌বোর্‌ চোখ্‌কুন্‌ খুলি দিলো। তে দেগিলোদে ইলীশায়র চেরোকিত্তে মুড়ো-মুড়িগুন আগুনোর রথ আর ঘোড়ালোই ভোজ্যে।

দানিয়েল 7:10

তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 4:11

সেক্কে শদান্নো তারে ফেলেই গেলগোই, আর স্বর্গদূত্তুনে এইনে তার্ সেবা যত্তন্ গরা ধুরিলাক্।

মার্ক 5:15

তারা যীশু ইধু এইনে দেগিলাক্, যিবেরে ভালোক্কুন্ ভান্ন্যেই আত্মায় পেইয়্যে সে মানুচ্চো কাবড়-চুগোড়্ উরিনে গম্ মনে বুয়োই আঘে। ইয়েন্ দেগিনে মানুচ্চুনে দোরেলাক্।

মার্ক 5:9

যীশু তারে পুযোর্ গুরিলো, “তঅ নাঙান্ কি?” তে কলঅ, “মঅ নাঙান্ বাহিনী, কিয়া আমি ভালোক্কুন্ আগিই।”

লূকে লেখ্যে গম্ হবর্ 8:30

যীশু তারে পুযোর্ গুরিলো, “তঅ নাঙান্ কি?” তে কলঅ, “বাহিনী,” কিয়া ভালোক্কুন্ ভান্ন্যেই আত্মা তা ভিদিরে চোম্মোন্।

যোহন 10:18

কনজনে মঅ পরাণান্ মত্তুন্ লোই ন-যেবাক্, মাত্তর্ মুই নিজেই সিয়েন্ দিম। পরাণান্ দিবার্‌অ খেমতা মর্ আঘে। আরঅ পরাণান্ ফিরেই নেযেবার্ খেমতায়ো মর্ আঘে। এ কামান্ মুই মঅ বাবত্তুন্ পেইয়োং।”

যোহন 18:36

যীশু কলঅ, “মঅ রেজ্যগান্ এ জগদর্ নয়। যুনি মঅ রেজ্যগান্ এ জগদর্ অদঅ সালে মুই যাতে যিহূদী নেতাগুনো আঢত্ ন-পড়ং সেনত্তে মঅ মানুচ্চুনে যুদ্ধো গুরিদাক্; মাত্তর্ মঅ রেজ্যগান্ দঅ ইধুগোর্ নয়।”

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

যিহূদা 1:14

আদম গুট্টির সাত পুরুষ হনোকে এ মানুচ্চুনো পৌইদ্যেনে আগে কোইয়্যে, “চঅ, প্রভু তার আজার আজার পবিত্র দূত্‌তুনোরে লোইনে বেক্কুনোর বিচের গুরিবাত্যে এজের্, আর ভোক্তি-নেইয়্যে মানুচ্চুনে ভোক্তি-নেইয়্যে ধোক্ক্যেন গুরিনে যেদক্কানি ভান্ন্যেই কাম গোজ্জ্যন আর সেই ভোক্তি-নেইয়্যে পাপীগুনে প্রভুর বিরুদ্ধে যেদক্কানি দরমর কধা কোইয়োন সেনত্যে তে তারারে দুষি গুরিবাত্যে এজের্।”