মথি লেখ্যে গম্ হবর্ 26:48 - Chakma Bible

⁴⁸ সেই বেঈমান্‌নো মানুচ্চুনো সমারে এক্কান্ চিহ্নো ঠিগ্ গোজ্যে; তে কোইয়্যেদে, “যিবেরে মুই চুমিম্ তেয়ই সেই মানুচ্চো; তুমি তারে ধুরিবা।”

মথি লেখ্যে গম্ হবর্ 26:48 ပူးပေါင်းရင်းမြစ်များ

২ শমূয়েল 3:27

অব্‌নের হিব্রোণত্‌ ফিরি এজানার্‌ পরেন্দি যোয়াবে তা লগে গুমুরো কধা কবার্‌ ছলনা গুরিনে শঅরর্‌ গেদো ভিদিরে নেযেল। সে পরেন্দি তা বুগুদ গুদো মারিনে তারে মারে ফেলেল। এধোক্ক্যেন গুরিনে তে তা ভেই অসাহেলর লো ঝরানার্‌ হেনাবো সুজিলো।

গীতসংহিতা 28:3

যিগুনে পাজি, যিগুনে বজং কাম্ গুরি গুরি বেড়ান্, যিগুনে বেক্কুনো সমারে গমেডালে কধা কন্ অদচ ভান্ন্যেয়ানি মনত্ রাগান্, তারা লগে সাজা দিবাত্তে তুই মরে টানি ন-নেযেচ্।

মথি লেখ্যে গম্ হবর্ 26:47

যীশু সেক্কেয়ো কধা কর্, এমন্ সময়োত্ যিহূদা সিয়েনত্ এলঅ। তে সেই বারজন শিচ্চ্য ভিদিরে একজন এলঅ। তা সমারে বোউত্ মানুচ্ ছুরি আর মুগোর্‌লোই এলাক্। আজল্ ধর্মগুরুগুনে আর বুড়ো নেতাগুনে ইগুনোরে পাধেয়োন।

মথি লেখ্যে গম্ হবর্ 26:49

সেনত্তে যিহূদা সোজা যীশু ইধু যেইনে কলঅ, “মাষ্টরবাবু, তর্ শান্তি ওক্।” আর তে তারে চুমিলো।

মার্ক 14:44

সেই বেঈমান্‌নো মানুচ্চুনো সমারে এক্কান্ চিহ্নো ঠিগ্ গোজ্যে। তে কোইয়্যেদে, “যিবেরে মুই চুমিম্, তেয়ই সেই মানুচ্চো। তুমি তারে ধরঅ আর চুগিদার্‌লোই নেযেয়ো।”