মথি লেখ্যে গম্ হবর্ 26:47 - Chakma Bible

⁴⁷ যীশু সেক্কেয়ো কধা কর্, এমন্ সময়োত্ যিহূদা সিয়েনত্ এলঅ। তে সেই বারজন শিচ্চ্য ভিদিরে একজন এলঅ। তা সমারে বোউত্ মানুচ্ ছুরি আর মুগোর্‌লোই এলাক্। আজল্ ধর্মগুরুগুনে আর বুড়ো নেতাগুনে ইগুনোরে পাধেয়োন।

মথি লেখ্যে গম্ হবর্ 26:47 ပူးပေါင်းရင်းမြစ်များ

মথি লেখ্যে গম্ হবর্ 26:14

সে পরেদি সেই বারজন শিচ্চ্যত্তুন্-এক্কো শিচ্চ্য যিহূদা ইষ্কারিয়োৎ নাঙে শিচ্চ্যবো আজল্ ধর্মগুরুগুনো ইধু গেলঅ,

মথি লেখ্যে গম্ হবর্ 26:46

উদো, আঢঅ আমি যেই। চঅ, যিবে মল্লোই বেঈমানী গরের্ এইয়্যে সে মানুচ্চো।”

মথি লেখ্যে গম্ হবর্ 26:48

সেই বেঈমান্‌নো মানুচ্চুনো সমারে এক্কান্ চিহ্নো ঠিগ্ গোজ্যে; তে কোইয়্যেদে, “যিবেরে মুই চুমিম্ তেয়ই সেই মানুচ্চো; তুমি তারে ধুরিবা।”

মথি লেখ্যে গম্ হবর্ 26:55

পরেদি যীশু মানুচ্চুনোরে কলঅ, “মুই কি ডাগেত্, তুমি ছুরি আর মুগোর্‌লোই মরে ধুরিবাত্তে এচ্চো? মুই পত্তিদিন্ উবোসনা-ঘরত্ বুয়োইনে শিক্ষ্যে দিদুং, আর সেক্কে দঅ তুমি মরে ন-ধরঅ।

প্রেরিত্‌ 1:16

“ভেইলগ্, পবিত্র আত্মা ভালোক্ দিন আগে রাজা দাযূদো মুয়োদি যিহূদা পৌইদ্যেনে যিয়েন কোইয়্যে পবিত্র বোইবোর সেই কধাগান পুরেবার্ দরকার এলঅ। যিগুনে যীশুরে ধোজ্যন্, এ যিহূদা তারারে পধ্ দেগেইনে নেযেয়্যে।