মথি লেখ্যে গম্ হবর্ 26:41 - Chakma Bible

⁴¹ জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

মথি লেখ্যে গম্ হবর্ 26:41 ပူးပေါင်းရင်းမြစ်များ

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।

গীতসংহিতা 119:115

তুমি যিগুনে বজং কাম গরঅ, তুমি মত্তুন্ সুরিই যঅ, যেনে গোজেনর উগুমান্ মুই পালেই পারং।

গীতসংহিতা 119:117

মরে ধর্, সালে মুই রোক্ক্যে পেম, আর তঅ সুদোমানি মুই নিত্য মানি চলিম।

গীতসংহিতা 119:32

তর্ উগুমে মুই পধেন্দি দাবা যেম্, কিত্তে তুই মর্ মনান্ খুলি দুয়োচ্।

মথি লেখ্যে গম্ হবর্ 24:42

তুমি সজাগ্ থাগঅ, কিয়া তমা জিংকানির গিরোজ্‌সো কমলে এবঅ সিয়েন্ তুমি হবর্ ন-পঅ।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

মথি লেখ্যে গম্ হবর্ 26:38

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ থাগঅ আর মঅ সমারে জাগি থাগঅ।”

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

মার্ক 14:38

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

লূকে লেখ্যে গম্ হবর্ 11:4

আমা পাপ্পানি খেমা গর্, কারন যিগুনে আমা বিরুদ্ধে অন্যেয় গরন্ আমি তারারে ক্ষেমা গুরিই। আমারে তুই পোরোক্ষ্যেত্ ন-ফেলেচ্।’ ”

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

লূকে লেখ্যে গম্ হবর্ 22:40

ঠিগ সেই জাগানত্ লুমোনার্ পরেদি যীশু তারারে কলঅ, তবনা গরঅ যেন পোরোক্ষ্যেত্ ন-পড়অ।

লূকে লেখ্যে গম্ হবর্ 8:13

শিলো ভূইয়োত্ পোজ্যে বীজ্‌চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সেই কধানি শুনিনে হুজিয়ে মানি লন্, মাত্তর্ তারা ইধু সিগুনোর্ শিঙোরানি গমেডালে ন-বজে। সেনত্তে তারা থরা কয়েক দিনোত্তে বিশ্বেজ্ গরন, মাত্তর্ যেক্কে পোরোক্ষ্যে এজে সেক্কে পিজেদি যান্।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

১ করিন্হীয় 9:27

মুই বরং কিয়্যেগানরে দুঘ্ দিইনে নিজো অধিনোত্ রাগেয়োং, যেন অন্যগুনো ইধু গম্ হবর্ প্রচার গরানার্ পরেদি মুই নিজে বক্‌শিজ্‌ পেবার অযোগ্য ওই ন-পরং।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।