মথি লেখ্যে গম্ হবর্ 26:39 - Chakma Bible

³⁹ পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

মথি লেখ্যে গম্ হবর্ 26:39 ပူးပေါင်းရင်းမြစ်များ

পত্থম 17:3

সেক্কে অব্রামে মাদিত্‌ মাদা নিগিরি পড়িলো, আর গোজেনে তা লগে কধা কুয়ো ধুরিলো।

২ শমূয়েল 15:26

মাত্তর্‌ যুনি তে কয়, ‘মুই তঅ উগুরে হুজি নয়,’ সালে তে যিয়েন গম্‌ মনে গরে সিয়েনই মঅ উগুরে গোরোক্‌।”

১ বংশধর 21:16

এ ভিদিরে দায়ূদে উগুরেত্তুন্‌ রিনি চেইনে দেগিলোদে, লগেপ্রভুর দূত্‌তো আগাজ ইদু থিয়্যেই এলঅ আর তা আদত্‌ রোইয়্যে যিরূশালেম উগুরে মেল্যে গুরি-ধোজ্যে খুলো তলোয়ারান্‌। ইয়েন্‌ দেগিনে দায়ূদ আর বুড়ো নেতাগুনে বস্তা সিলুম্‌ উজ্যে অবস্থায় মাদি উগুরে আদু পাড়িনে পড়িলাক্‌।

যিশাইয় 50:5

প্রভু লগেপ্রভু মঅ কানান্ খুলি দিয়্যে আর মুই অবাধ্য ন-অং, পিজেদিয়ো ন-যাং।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

গণাণা 14:5

এই অবস্থাগান্ দেগিনেই মোশি আর হারোণে ইস্রায়েলীয়গুনোর পুরো দল্লো মুজুঙোত্‌ মাদিত্‌ আদু পাড়িনে পরিলাক।

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

মথি লেখ্যে গম্ হবর্ 20:22

জোবত্ যীশু পুয়োগুনোরে কলঅ, “তুমি কি পুযোর্ গরর্ সিয়েন্ ন-জান। যে দুঘোর্ গলজত্ মুই হেবাত্তে যাঙর্ সিবেত্ কি তুমি হেই পারিবা?” তারা জোবত্ কলাক্, “পারিবোং।”

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 26:42

তে ফিরি যেইনে দ্বিবারত্ তবনা গুরিনে কলঅ, “ও বাহ্, মুই ন-গুজিলেয়ো যুনি এই দুঘোর্ গলচ্চো দূর্ ন-অয় সালে তঅ আওজ্‌চান পূরোণ্ ওক্।”

মার্ক 13:22

সেনত্যে সেক্কে বোউত্ ভন্ড মশীহ আর ভন্ড ভাববাদী এবাক্ আর তারা আমক্ অবার্ চিহ্নো কাম্ গুরিবাক্, যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

যোহন 11:41

সেক্কে মানুচ্চুনে পাত্তর্‌বো সোরেই দিলাক্। যীশু উগুরেদি রিনি চেইনে কলঅ, “বাবা, তুই মঅ কধাগান্ শুন্যচ্ বিলি মুই তরে ভালেদি জানাঙর্।

যোহন 14:31

মাত্তর্ ইয়েন ঘদের্ যেন মানুচ্চুনে কোই পারন্ যে, মুই বাবারে কোচ্‌পাং আর বাবা মরে যেবাবোত্যে উগুম্ দিয়্যে মুই বেক্কানি সেবাবোত্যে গরং। ইক্কে উদো, আমি ইয়োত্তুন যেই।

যোহন 18:11

সেক্কে যীশু পিতররে কলঅ, “তঅ ছুরিগান্ খাবত্ থঅ। বাবা মরে যে দুঘোর্ গলচ্চো দিয়্যে সিবে কি মুই মানি ন-লোম্?”

যোহন 5:19

সেক্কে যীশু সেই নেতাগুনোরে কলঅ, মুই ঘেচ্চ্যেক্‌গুরি তমারে কঙর্, পুয়োবো নিজোত্তুন্ কিচ্চু গুরি ন-পারে। বাবরে যিয়েন্ গত্তে দেগে বানা সিয়েনই গুরি পারে, কিয়া বাবে যিয়েন্ গরে পুয়োবোয়ো সিয়েন্ গরে।

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।

প্রেরিত্‌ 10:25

পিতরে যেক্কে ঘরত্ সোমেল সেক্কে কর্ণীলিয় তা ইধু যেইনে তা ঠেংঅ উগুরে মাঢা নিগুরিনে গোজেনর্ সর্মান দিইনে তারে সালাম গুরিলো।

ফিলিপীয় 2:8

ইয়েনবাদে চেঙেরাদি মানুচ্‌ ওইনে মরণ সং, এন্ কি, ক্রুশো উগুরে মরণ সং বাধ্য থেইনে তে নিজোরে চিগোন্ গুরিলো।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”