মথি লেখ্যে গম্ হবর্ 26:36 - Chakma Bible

³⁶ পরেদি যীশু তা শিচ্চ্যগুনো সমারে গেৎশিমানী নাঙে এক্কান্ জাগাত্ গেলঅ আর শিচ্চ্যগুনোরে কলঅ, “মুই সিয়েনত্ যেইনে যেদক্কন্ সং তবনা গরং সেদক্কন্ সং তুমি ইয়েনত্ বুয়োই থাগঅ।”

মথি লেখ্যে গম্ হবর্ 26:36 ပူးပေါင်းရင်းမြစ်များ

মথি লেখ্যে গম্ হবর্ 26:39

পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

মথি লেখ্যে গম্ হবর্ 26:42

তে ফিরি যেইনে দ্বিবারত্ তবনা গুরিনে কলঅ, “ও বাহ্, মুই ন-গুজিলেয়ো যুনি এই দুঘোর্ গলচ্চো দূর্ ন-অয় সালে তঅ আওজ্‌চান পূরোণ্ ওক্।”

মথি লেখ্যে গম্ হবর্ 6:6

মাত্তর্ তুই যেক্কে তবনা গরচ্ সেক্কে ঘর ভিদিরে যেইনে দোরান্ বানিবে আর তঅ বাপ্পো, যিবেরে দেগা ন-গেলেয়ো মুজুঙোত্ আঘে, তাইধু তবনা গর্। তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।