মথি লেখ্যে গম্ হবর্ 26:29 - Chakma Bible

²⁹ মুই তমারে কঙর্, ইক্কেত্তুন্ ধুরি যেদক্ বিলোন্ সং মুই মঅ বাব রেজ্যত্ তমা সমারে আংগুর-ফলর্ রস্ নুয়ো গুরি ন-হাং সেদকদিন সং মুই আরঅ কনদিন্অ সিয়েন্ ন-হেম্।”

মথি লেখ্যে গম্ হবর্ 26:29 ပူးပေါင်းရင်းမြစ်များ

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

গীতসংহিতা 4:7

বোউত্ গুলোগুলি আর নুয়ো আংগুর-রস পেলে মানুচ্চুনোর যেধোক্ক্যেন্ মনানি হুজি অয়, তাত্তুনো বেশ্ রঙ্গ-ফুত্তিলোই তুই মঅ মনান্ ভোরেই রাগেয়োচ্।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 25:6

বেগত্তুন্ খেমতাবলা লগেপ্রভু এ মুড়োবো উগুরে বেক্ জাদ মানুচ্চুনোত্তে গম্ গম্ হানা জিনিজোর আর পুরোণ আংগুর-রসর এক্কো দাঙর্ হানা দিবো ; সিয়েনত্ থেবদে বেগত্তুন্ গম্ য়েরাগান আর বেগত্তুন গম্ আংগুর-রসছান্।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

সখরিয় 9:17

তারার্ চেঙারাগান কত্তমান গম্ অবঅ, কত্তমান দোল্ অবঅ! শোজ্য হেইনে গাবুজ্যেগুনে আর নুয়ো আংগুর-রস হেইনে গাবুজ্যে মিলেগুনে তাজা ওই উদিবাক্।

মথি লেখ্যে গম্ হবর্ 13:43

সে অক্তত্ গোজেনভক্ত মানুচ্চুনে তারার্ স্বর্গর্ বাব রেজ্যত্ বেলান ধোক্ক্যেন জ্বোল্‌জোল্যে ওই দেগা দিবাক্। যিবের্ শুনিবার্ কান্ আগে তে শুনোক্।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 18:20

কিয়া যিয়েনত্ দুই বা তিনজন মঅ নাঙে এগত্তর্ অন্ সিয়েনত্ মুই তারা ভিদিরে থাং।”

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

মথি লেখ্যে গম্ হবর্ 26:30

পরেদি তারা এক্কো গীদ্ গেই গেই নিগিলিনে জৈতুন্ মুড়োবোত্ গেলাক্।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মার্ক 14:25

মুই তমারে কঙর্, ইক্কেত্তুন্ ধুরি যেদক্ বিলোন্ সং মুই গোজেন রেজ্যত্ আংগুর-ফলর্ রস্ নুয়ো গুরি ন-হাং সেদকদিন সং মুই আরঅ কনদিন্অ সিয়েন্ ন-হেম্।”

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

যোহন 15:11

এ বেক্‌ কধানি মুই তমারে কলুং যেন মঅ হুজীগান্ তমা মনত্ থায় আর তমার হুজীগান্ পূরোণ্ অয়।

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

যোহন 17:13

ইক্কিনে মুই তঅ ইধু এজঙর্, আর মর্ হুজীয়ে যেন তারার্ মনানি ভুরি যায় সেনত্তে জগদত্ থাগদে এই বেক্ কধানি কঙর্।

প্রেরিত্‌ 10:41

তো বেক্কুনে তারে ন-দেগন্, মাত্তর্ গোজেনে যে সাক্ষীগুনোরে আগেত্তুন্ ধুরি বেঈ থোইয়্যে সিগুনে তারে দেক্ক্যন্, অত্তাৎ তে মরণত্তুন্ জেদা ওই উদোনার পরেদি আমি যিগুনে তা সমারে হানা-দানা গোজ্জ্যেই আমিই তারে দেক্ক্যেই।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”