মথি লেখ্যে গম্ হবর্ 26:18 - Chakma Bible

¹⁸ যীশু তারারে কলঅ, “শঅর ভিদিরে যেইনে সে মানুচ্চোরে কঅ, মাষ্টরবাবু কত্তে, ‘মঅ সময়ান্ কায়কুরে লুম্মেগি। মঅ শিচ্চ্যগুনো সমারে মুই তঅ ঘরত্ উদ্ধোর্-পরব্ পালন্ গুরিম্।’ ”

মথি লেখ্যে গম্ হবর্ 26:18 ပူးပေါင်းရင်းမြစ်များ

মথি লেখ্যে গম্ হবর্ 21:3

কনজনে যুনি কিজু কন্ সালে কোয়ো, ‘প্রভুর দরকার্ আঘে।’ পরেদি তে সিবেরে যাদিমাদি ফিরেই দিবো।”

মথি লেখ্যে গম্ হবর্ 23:10

কেঅ তমারে নেতা বিলি ডাগোক্ সিয়েন্ ন-চেয়ো, কিয়া তমার নেতা কদে বানা এক্কো আঘে, তে মশীহ্।

মথি লেখ্যে গম্ হবর্ 23:8

কেঅ তমারে মুরুব্বী বিলি ডাগোক্ সিয়েন্ ন-চেয়ো, কিয়া তমার্ মুরুব্বী কধে বানা একজন আঘে, আর তুমি বেক্কুনে ভেই ভেই।

মথি লেখ্যে গম্ হবর্ 26:19

যীশু শিচ্চ্যগুনোরে যে উগুমান্ দিলো শিচ্চ্যগুনে সেবাবোত্যেগুরি উদ্ধোর্-পরবর্ হানাগান্ যুক্কোল্ গুরিলাক্।

মথি লেখ্যে গম্ হবর্ 26:2

“তুমি দঅ হবর্ পঅ আর দ্বিদিন্ পরেদি উদ্ধোর-পরব্, আর মান্‌জ্য পুয়োবোরে ক্রুশোত্ দিবাত্তে ধুরি দিয়্যে অবঅ।”

মথি লেখ্যে গম্ হবর্ 26:49

সেনত্তে যিহূদা সোজা যীশু ইধু যেইনে কলঅ, “মাষ্টরবাবু, তর্ শান্তি ওক্।” আর তে তারে চুমিলো।

মার্ক 5:35

যীশু সেক্কেয়ো কধা কর্, এমন্ সময়োত্ সেই সমাজ-ঘরর্ নেতাবো যায়ীর ঘরত্তুন্ কয়েক্কো মানুচ্ এইনে যায়ীররে কলাক্, “তঅ ঝিবো মুরি যেইয়্যে; প্রভুরে আর দুঘ্ ন-দিচ্।”

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

যোহন 11:28

এ কধাগান্ কোইনে মার্থা যেইনে তা বোন মরিয়মরে চুবেচুবে ডাগিনে কলঅ, “মাষ্টরবাবু ইয়েনত্ আঘে আর তরে ডাগের্।”

যোহন 12:23

যীশু সেক্কে আন্দ্রিয় আর ফিলিপরে কলঅ, মান্‌জ্য পুয়োবোর্ মহিমাগান্ ফগদাং পেবার্ অক্‌ত এইচ্চ্যে।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 20:16

যীশু তারে কলঅ, “মরিয়ম।” সেক্কে মরিয়মে ফিরি থিয়্যেইনে অরামীয় ভাষাদি যীশুরে কলঅ, “রব্বুনি।” রব্বুনি অত্তাৎ মাষ্টরবাবু।

যোহন 7:30

ইয়েন্দোই সেই মানুচ্চুনে যীশুরে ধুরিবাত্তে চেলাক্, মাত্তর্ সেক্কেয়ো তার সময় ন-অয় বিলি কনজনে তা কিয়্যেত্ আঢ্ ন-দিলাক্।

যোহন 7:6

সেক্কে যীশু তারারে কলঅ, “মর্ অক্‌ত এজঅ ন-অয়, মাত্তর্ তমার্ দঅ বে-অক্‌ত বিলি কিচ্চু নেই।

যোহন 7:8

তুমি পরবত্ যঅ। মঅ সময়ান্ এজঅ ন-পুরোয় বিলি মুই ইক্কে ন-যেম্।”