মথি লেখ্যে গম্ হবর্ 25:1 - Chakma Bible

¹ সেই সময়োত্ স্বর্গ-রেজ্যগান্ এন্ দশজন মিলে ধোক্ক্যেন্ অবঅ যিগুনে সমাজ্যে জামেইবোরে আগ্-বারেই আনিবাত্তে চেরাগ্‌কোই বারেদি গেলাক্।

মথি লেখ্যে গম্ হবর্ 25:1 ပူးပေါင်းရင်းမြစ်များ

গীতসংহিতা 45:14

আড়ুক্ তুল্যে পজাক্কোই তারে রাজার ইদু নেযা অবঅ; তা পিজেন্দি থেইয়্যে গাবুজ্যে সমাজ্যেগুনোরেয়ো তইদু নেযা অবঅ।

পরমগীত 1:3

তঅ তেলানর্ তুম্বাজ্‌চানে হুজি রাগায়; ঢালি দিয়্যে তুম্বাজ তেল ধোক্ক্যেন্ তঅ নাঙান্। সেনত্তে দঅ মিলেগুনে তরে কোচ্‌পান।

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 5:8

ও যিরূশালের্ মিলেগুন্, মুই তমারে কোজোলি গরঙর্, যুনি তুমি মঅ পরাণ্যেরে দেগঅ সালে তারে কোই দুয়ো, মুই প্রেমত্ পোজ্যং।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

মথি লেখ্যে গম্ হবর্ 13:24

যেরেদি তে মানুচ্চুনোরে শিক্ষ্যে দিবাত্তে আর এক্কো হিত্ত্য কলঅ। হিত্ত্যবো এবাবোত্যে: স্বর্গ-রেজ্যগান্ এমন্ এক্কো মান্‌জ্য ধোক্ক্যেন্ যিবে নিজো ভূইয়োত্ গম্ বীজি ফেলেল।

মথি লেখ্যে গম্ হবর্ 13:31

যীশু তারারে আর এক্কো হিত্ত্য কলঅ। হিত্ত্যবো এবাবোত্যে: “স্বর্গ-রেজ্যগান এমন্ এক্কো শোজ্য-বীজি ধোক্ক্যেন্ যিগুন্ এক্কো মান্‌জ্যে নেযেইনে নিজো ভূইয়োত্ ফেলেল।

মথি লেখ্যে গম্ হবর্ 13:38

এই জগদ্‌তান ভূই, আর স্বর্গ-রেজ্যর্ মানুচ্চুন গম্ বীজি। শদান মানুচ্চুনে অলাক্ সেই শ্যামাঘাস।

মথি লেখ্যে গম্ হবর্ 13:47

“আরঅ, স্বর্গ-রেজ্যগান্ এমন্ এক্কো দাঙর্ জাল ধোক্ক্যেন্ যিয়েন সাগরত্ ফেলা অলঅ আর নানান্ বাবোত্যে মাছ ধরা পড়িলাক্।

মথি লেখ্যে গম্ হবর্ 20:1

স্বর্গ-রেজ্যগান্ এক্কো ঘর গিরোজ ধোক্ক্যেন্। তে একদিনে বেন্যেমাদান্ খেদ কামত্ চাগর্ কাদেবাত্তে বারেদি গেলঅ।

মথি লেখ্যে গম্ হবর্ 22:2

স্বর্গ-রেজ্যগান্ এমন্ এক্কো রাজা ধোক্ক্যেন্ যিবে তার্ পুয়োবো মেলাত্ হানা যুক্কোল্ গুরিলো।

মথি লেখ্যে গম্ হবর্ 25:7

সেক্কে সেই মিলেগুন্ উদিনে তারা চেরাগ্‌কুন ঠিগ্ গুরিলাক্।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

মথি লেখ্যে গম্ হবর্ 9:15

যীশু তারারে কলঅ, জামেই সমারে থাগদে কি জামেইঅ সমারে মানুচ্চুনে দুঘো কধা কোই পারন্? মাত্তর্ সময় এজের্ যেক্কে জামেইয়রে তারা কায়-কুরেত্তুন্ নেযা অবঅ। সে সময়ত্ তারা উবোস্ থেবাক্।

যোহন 18:3

আজল্ ধর্মগুরুগুনে আর ফরীশীগুনে যিহূদারে এক দল্ সৈন্য আর কয়েক্কো চাগর্ দিলাক্। সেক্কে যিহূদা তারা সমারে চেরাগ্, বম্বা আর আত্ত্যার্ লোইনে সিয়েনত্ লুমিলো।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

প্রেরিত্‌ 20:8

আমি উগুরে তালাত্ যে ঘরানত্ এগত্তর্ ওইয়্যেই সিধু ভালোক্কুন্ বাত্তি এলাক্।

১ করিন্হীয় 11:2

মুই তমারে বাঈনী গরঙর্, কিয়া তুমি বেক্কানি পৌইদ্যেনে মঅ কধানি মনত্ গুরি থাগঅ, আর মুই তমারে যে শিক্ষ্যেনি দুয়োং সিয়েনি ধুরি রাগর্।

২ করিন্হীয় 11:2

মুই তমাত্যে মঅ মনত্ গোজেনর্ দিয়্যে এক গভিন্ জ্বালায় জ্বলঙর্, কিয়া মুই বানা এক্কো জামেইয় সমারে, অত্তাৎ খ্রীষ্ট সমারে তমার্ মেলা পৌইদ্যেনে ঠিগ্ গুরি রাগেয়োং, যেন সতী মোগ্ ইজেবে তাইধু তমারে তুলি দি পারং।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।

ফগদাং পেইয়্যে 19:7

এজঅ, আমি মন হুজিয়ে বেশ্ গুরি ফুত্তি গুরিই আর তার্ বাঈনী গুরিই, কিয়া ভেড়া-ছবোর্ মেলা গুরিবার অক্ত ওইয়্যে আর তার্ বৌবো নিজোরে যুক্কোল্ গোজ্জ্যে।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 21:9

যে সাতজন স্বর্গদূতো আঢত্ শেজ্ সাত্‌তান আঘাত-ভরা সাত্‌টো কদরা এলঅ তারাত্তুন্ একজনে মইধু এইনে কলঅ, “আয়, মুই তরে বৌ, অত্তাৎ ভেড়া-ছবোর্ মোগ্‌কোরে দেগাং।”

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।

ফগদাং পেইয়্যে 8:10

যেরেদি তিন-লম্বর স্বর্গদূত্‌তো তা তূরীবো বাজেল। সেক্কে এক্কো দাঙর্ তারা জোল্‌জোল্ল্যে গুরি জ্বলদে জ্বলদে আগাজত্তুন্ পড়িলো।