মথি লেখ্যে গম্ হবর্ 24:9 - Chakma Bible

⁹ সে পরেদি তমারে বানি থবাক্ আর সাজা দিবাত্যে ধুরিবাক্ আর তমারে খুন্ গুরিবাক্। মত্তে বেক্ মানুচ্চুনে তমারে ঘিনেবাক্।

মথি লেখ্যে গম্ হবর্ 24:9 ပူးပေါင်းရင်းမြစ်များ

গম্ উপদেজ্ 29:27

গোজেন ভক্ত মানুচ্চুনে অন্যেয় গুরিয়্যেবোরে ঈচ্ গরন্, আর যে মানুচ্চো সোজা পধেদি যায় পাজিগুনে তারে ঈচ্ গরন্।

দানিয়েল 11:33

সে মানুচ্চুনো ভিদিরে যিগুনোর বুঝিবার খেমতা আঘে তারা ভালোক্ জনরে শিক্ষ্যে দিবাক্, তো কিজু সময় ধুরি তারা ভিদিরে ভালোক্কুনে যুদ্ধোত্ মুরি যেবাক্, বা তারারে পুড়িনে মারা অবঅ, বা তারারে বন্দী গরা বা লুদো অবঅ।

মথি লেখ্যে গম্ হবর্ 22:6

বাদ্‌‌‌বাগি বেক্কুনে রাজার চাগরুনোরে ধুরিনে অগমান গুরিলাক্ আর মারে ফেলেলাক্।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

লূকে লেখ্যে গম্ হবর্ 11:49

সেনত্তে জ্ঞানী গোজেনে কোইয়্যেদে, মুই তারা ইধু ভাববাদীগুনোরে আর হবর্ কোইয়্যেগুনোরে পাধেই দিম্। তারাত্তুন্ কয়েকজনরে তারা খুন্ গুরিবাক্ আর অন্যগুনো উগুরে অত্যেচার্ গুরিবাক্।

লূকে লেখ্যে গম্ হবর্ 21:12

ইয়েনি বেক্কানি অবার্ আগেদি মানুচ্চুনে তমারে ধুরিবাক্ আর তমা উগুরে অত্যেচার্ গুরিবাক্। বিচেরত্যে তারা তমারে সমাজ-ঘরত্ নেযেবাক্ আর জেলোত্ দিবাক্। মত্তে রাজাগুনোর্ আর শাসনগুরিয়্যেগুনো মুজুঙোত্ তমারে নেযা অবঅ,

যোহন 15:18

জগদ মানুচ্চুনে তমারে ঘিনান্, মাত্তর্ মনত্ রাগেয়ো, তা আগেদি তারা মরে ঘিনেয়োন্।

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

প্রেরিত্‌ 28:22

মাত্তর্ আমি তঅ কধানি শুনিবাত্তে চেই, কারন আমি হবর্ পেই বেক্ জাগানিত্ মানুচ্চুনে সেই দলর্ বিরুদ্ধে কধা কন্।”

প্রেরিত্‌ 7:59

যেক্কে সাক্ষীগুনে স্তিফানরে পাত্তর্ মারদন্ সেক্কে তে তবনা গুরিনে কলদে, “প্রভু যীশু, মঅ আত্মাগানরে গুজি লঅ।”

১ পিতর 4:16

মাত্তর্ খ্রীষ্টান ইজেবে যুনি কেঅ দুঘোত্ ভুগোন্ সালে তে ন-লাজোক্, বরং তার সে নাঙান্ আঘে বিলিনে তে গোজেনর্ বাঈনী গোরোক্।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 2:13

তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্‌চানরে অস্বীগের্ ন-গরচ্। এন্‌ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্‌চানরে অস্বিগের্ ন-গরচ্।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।