মথি লেখ্যে গম্ হবর্ 24:6 - Chakma Bible

⁶ তুমি যুদ্ধোর্ রঅ শুনিবাত্যে যর্ আর যুদ্ধোর্ হবরা-হবর্‌অ তুমি শুনিবা। মাত্তর্ উজিয়ার্! ইয়েন্দোই ন-দোরেয়ো, কিয়া ইয়েনি অবঅ; মাত্তর্ সেক্কেয়ো থুম্ নয়।

মথি লেখ্যে গম্ হবর্ 24:6 ပူးပေါင်းရင်းမြစ်များ

গীতসংহিতা 112:7

আপদবলা-ফিবলা হবরদ্‌অ তে ন-দোরেব; তা মনান্ থির্ আর তে লগেপ্রভু উগুরে বিশ্বেজ্ গরে।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিরমিয় 47:6

তুমি ইয়েন কোইনে কানি উদো, ‘ও লগেপ্রভুর তলোয়ারান, আর কয়দিন পরে তুই জিরেবে? তঅ খাপত্ তুই ফিরি যাহ্; থামা, অলর্ অ।’

যিহিষ্কেল 21:28

“ও মান্‌জ্যর পুয়োবো‌‌‌, তুই আগাম্ কধা কঅ, অম্মোনীয়গুনো পৌইদ্যেনে আর তারার্ অগমানর্ পৌইদ্যেনে প্রভু লগেপ্রভু কোইয়্যেদে, ‘এক্কান লাম্বাছুরি ধোক্ক্যেন ঝিমিলায়।

মথি লেখ্যে গম্ হবর্ 2:3

এ কধাগান শুনিনে রাজা হেরোদে আর তা সমারে যিরূশালেমর অন্য বেক্কুনোর্ মাঢা যাগুলুগ্ অলঅ।

মথি লেখ্যে গম্ হবর্ 24:14

বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

মথি লেখ্যে গম্ হবর্ 26:54

বোইবোত্ দঅ লেগা আঘে ইয়েনি বেক্কানি এবাবোত্যে অবঅ।”

লূকে লেখ্যে গম্ হবর্ 21:19

তুমি থির্ থেলে, তুমি নিজোরে উদ্ধোর্ গুরি পারিবা।

লূকে লেখ্যে গম্ হবর্ 21:9

তুমি যেক্কে যুদ্ধোর্ আর বিদ্রোহর্ হবর্ শুনিবা সেক্কে ন-দোরেয়ো, কিয়া পত্তমে ইয়েনি বেক্কানি অবঅ; মাত্তর্ সেক্কেয়ো যে শেজ্ সময়ান লুম্মেগি সিয়েন্ নয়।”

লূকে লেখ্যে গম্ হবর্ 22:37

পবিত্র বোইবোত্ লেগা আঘে, ‘তারে পাপীগুনো সমারে গুণো অলঅ।’ মুই তমারে কঙর্, এ কধাগান্ মঅ মাধ্যমে পূরোণ্ ওয়া পুরিবো, কিয়া মঅ পৌইদ্যেনে যিয়েন্ লেগা আঘে সিয়েন্ পূরোণ্ অবাত্তে যার্।”

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

২ থিষলনীকীয় 2:2

“প্রভুর দিন্নো লুম্মেগি,” ইয়েনর্ মানে ভাববাদী ইজেবে কোইয়্যে কারঅ কধা বা অন্য কারঅ কধা বা আমার লেগা মনে গুরিনে কনঅ চিধির্ কারনে তুমি সহজে চুলুবুলু ন-ওইয়ো বা ন-দোরেইয়ো।

ফগদাং পেইয়্যে 6:4

সেক্কে আগুনো ধোক্ক্যেন রাঙা অন্য এক্কো ঘোড়া নিগিলি এলঅ। যিবে সেই ঘোড়াবো উগুরে বৈ এলঅ তারে পিত্‌থিমীত্তুন্ শান্তিগান তুলি লবার খেমতা দিয়্যে অলঅ, যেনে মান্‌জ্যে একজন আরেকজনরে মারে ফেলায়। তারে এক্কান দাঙর্ তরবারিয়ো দিয়্যে অলঅ।