মথি লেখ্যে গম্ হবর্ 24:51 - Chakma Bible

⁵¹ সেক্কে তে তারে কাবিনে দি'কট্টা গুরি ফক্করুনো সমারে তা জাগায়ান্ ঠিগ্ গুরিবো। সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

মথি লেখ্যে গম্ হবর্ 24:51 ပူးပေါင်းရင်းမြစ်များ

ইয়োব 20:29

গোজেনে শদানুনোত্তে এবাবোত্তে গুরিনে ঠিগ্‌ গুরি রাগায়; সিয়েন অলদে তারাত্তে গোজেনর দিয়্যে অধিকার।”

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিরমিয় 13:25

ইয়েনই তর্ পাওনা; ইয়েনই মুই তত্বে মাবি দুয়োং, কিত্তে তুই মরে ভুলি যেইনে মিজে দেব-দেবেদা উগুরে বিশ্বেজ্ গোজ্যস্।

মথি লেখ্যে গম্ হবর্ 22:13

সেক্কে রাজা চাগরুনোরে কলঅ, ‘ইবের্ আঢ্-টেঙানি বানিনে বারেদি আন্ধারত্ ফেলেই দুয়ো। সেই জাগানত্ মান্‌জ্যে কানাকুদি গুরিবাক্ আর যন্ত্রণালোই দাত্ কামেরেবাক্।’ ”

মথি লেখ্যে গম্ হবর্ 24:50

মাত্তর্ যেদিন্নো আর যে অক্তবোর্ কধা সেই চাগর্‌বো আজায়ো ন-গরে, নয়ো জানিবো, সেদিন্যে আর সে সময়োত্ তা গিরোজ্‌সো এইনে আজির্ অবঅ।

মথি লেখ্যে গম্ হবর্ 25:30

সে অকেজর্ চাগর্‌বোরে তুমি বারেদি আন্ধারত্ ফেলেই দুয়ো; সিধু মান্‌জ্যে কানাকুদি গুরিবাক্ আর যন্ত্রণায় দাত্ কামারানাত্ থেবাক্।

মথি লেখ্যে গম্ হবর্ 8:12

মাত্তর্ যিগুনোর রেজ্যত্ থেবার কধা তারারে বারেদি আন্ধারত্ ফেলে দিয়্যে অবঅ। সিয়েনত্ মানুচ্চুনে কানাকুদি গুরিবাক্ আর যন্ত্রনায় দাত্ কামারা ধুরিবাক্।”

লূকে লেখ্যে গম্ হবর্ 12:46

সালে যেদিন্নো আর যে অক্তবোর্ কধা তে আজায়ো ন-গরে, সেদিন্নো আর সে অক্তত্ তা গিরোজ্‌‌‌সো এইনে আজির্ অবঅ। তে তারে কাবিনে দি কট্টা গুরি অবিশ্বেজিগুনো ভিদিরে তা জাগায়ান্ ঠিগ্ গুরিবো।

লূকে লেখ্যে গম্ হবর্ 13:28

যেক্কে তুমি দেগিবা, অব্রাহাম, ইস্‌হাক, যাকোব আর ভাববাদী বেক্কুনে গোজেন রেজ্যত্ আঘন্ আর তমারে বারেদি ফেলেই দিয়্যে ওইয়্যে, সেক্কে তুমি কানাকুদি গুরিবা আর যন্ত্রনায় দাত্ কামেড়েবা।