মথি লেখ্যে গম্ হবর্ 24:4 - Chakma Bible

⁴ জোবত্ যীশু কলঅ, জাগি থাগঅ, কেঅ যেন তমারে ন-ঠগায়,

মথি লেখ্যে গম্ হবর্ 24:4 ပူးပေါင်းရင်းမြစ်များ

যিরমিয় 29:8

তমা ভিদিরে ভাববাদী আর গোণোক্ক্যেগুনে যেন তমারে ন-ঠকায়। তারা যেদক্কানি স্ববন্ দেগন সিয়েনিত্ তুমি মনযোগ ন-দুয়ো।

যিরমিয় 37:9

“ ‘তুমি এ কধাগান ভাবিনে নিজোরে ন-ঠোগেয়ো যে, বাবিলীয়গুনে ঘেচ্চেকগুরি তমারে ছাড়িনে ন-যেবাক্। না, তারা ন-যেবাক্।

মার্ক 13:22

সেনত্যে সেক্কে বোউত্ ভন্ড মশীহ আর ভন্ড ভাববাদী এবাক্ আর তারা আমক্ অবার্ চিহ্নো কাম্ গুরিবাক্, যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

লূকে লেখ্যে গম্ হবর্ 21:8

জোবত্ যীশু কলঅ, “জাগি থাগঅ, কেঅ যেন তমারে ন-ঠগায়, কিয়া ভালোক্‌জনে মঅ নাঙে এইনে কধা কবাক্, ‘মুয়ই সিবে!’ আর ‘সময় কায়কুরে এচ্চ্যে।’ মাত্তর্ তারারে ন-বেঙেয়ো।

গালাতীয় 6:3

কিচ্চু ন-ওইনেয়ো কেঅ যুনি নিজোরে বিশেষ কিজু বিলিনে মনে গরে সালে দঅ তে নিজোরে থগায়।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

কলসীয় 2:18

নিজো কিয়্যেগানরে দুঘ্ দেনা আর স্বর্গদূত্‌তুনোরে উবোসনা গরানা যিগুনে দরকারী বিলিনে মনে গরন্ সিগুনে যেন তমার বক্‌শিজ্ পেবার পধত্ মানা ন-গরন্। এবাবোত্যে মান্‌জ্যে যিয়েন দেক্ক্যন বিলিনে ভান্ গুরিনে সে পৌইদ্যেনে বোউত্ দাঙর্ দাঙর্ কধা কন্ আর এনেবাদে অহংকারে ফুলি উদোন্, কিয়া তারার্ মনানি পাপ-খাচ্চ্যদে ভরা।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

২ থিষলনীকীয় 2:3

কেঅ যেন কনঅ বাবদে তমারে ভুল্ পধেদি ন-নেযায়; কিয়া সেই দিন্নো এবার আগেদি গোজেনর্ বিরুদ্ধে জদবদে বিদ্রোহ অবঅ আর সেই অবাধ্যবলা মরদ, যিবের্ ভস্ত অবার কধা আঘে, তে ফগদাং অবঅ।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।