মথি লেখ্যে গম্ হবর্ 24:3 - Chakma Bible

³ যীশু যেক্কেনে জৈতুন মুড়োবোত্ বুয়োই এলঅ সেক্কে শিচ্চ্যগুনে আন্দলে আন্দলে তাইধু এইনে কলাক্, “আমারে কঅ, কক্কে ইয়েনি ঘুদিবো আর কিবাবোত্যে চিহ্নোলোই বুঝো যেবঅ যে ইবেয়ই তর্ এবার্ সময় আর যুগ থুম্ অবার্ অক্ত ওইয়্যে?”

মথি লেখ্যে গম্ হবর্ 24:3 ပူးပေါင်းရင်းမြစ်များ

মথি লেখ্যে গম্ হবর্ 13:36

পরেদি যীশু মানুচ্চুনোরে ফেলেইনে ঘরত্ সোমেল। সেক্কে তা শিচ্চ্যগুনে এইনে তারে কলাক্, “ভূইয়োর সে শ্যামাঘাসর্ হিত্ত্যবো আমারে বুঝেই দে।”

মথি লেখ্যে গম্ হবর্ 13:49

যুগোর্ থুম্ সময়োত্ এবাবোত্যে অবঅ। স্বর্গদূত্‌তুনে এইনে গোজেনভক্ত মানুচ্চুনো ভিদিরেত্তুন্ পাজিগুনোরে যুদো গুরিবো আর জ্বোল্‌জোল্যে আগুনো ভিদিরে তারারে ফেলে দিবো।

মথি লেখ্যে গম্ হবর্ 15:12

সেক্কে তা শিচ্চ্যগুনে এইনে তারে কলাক্, “ফরীশীগুনে তর্ এ কধাগান্ শুনিনে যে অগমান্ পেইয়োন, সিয়েন্ কি তুই হবর্ পাজ্?”

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 17:19

ইয়েনর্ পরেদি শিচ্চ্যগুনে আন্দলে আন্দলে যীশু ইধু এইনে কলাক্, “আমি কিত্তে সেই ভুদ্‌‌তোরে ধাবেই ন-পারিলোং?”

মথি লেখ্যে গম্ হবর্ 21:1

যীশু আর তা শিচ্চ্যগুনে যিরূশালেম কায়-কুরে লুমিনে জৈতুন্ মুড়োবো উগুরে বৈৎফগী আদাম ইধু এলাক্,

মথি লেখ্যে গম্ হবর্ 24:27

দেবা ঝিমিলেনি যেবাবোত্যেগুরি পূগেদি দেগা দিইনে পোজিমেদি সং ঝিমিলায় মান্‌জ্য পুয়োবোর্ এজানায়ো সেবাবোত্যে অবঅ।

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

মথি লেখ্যে গম্ হবর্ 24:37

নোহ সময়োত্ যে অবস্থা ওইয়্যে মান্‌জ্য পুয়োবোর্ এবার্ অক্তত্ অ ঠিগ্ সেই অবস্থা অবঅ।

মথি লেখ্যে গম্ হবর্ 24:39

যেদক্ বিলোন্ সং বান পানিগান্ এইনে তারারে বেক্কুনোরে ভাজেই ন-নেযেল সেদক্ বিলোন্ সং তারা কিচ্চু বুঝি ন-পারিলাক্। মান্‌জ্য পুয়োবোর্ এজানাগান ঠিগ্ সেবাবোত্যে অবঅ।

মথি লেখ্যে গম্ হবর্ 24:43

ঘর গিরোজ্‌সো যুনি হবর্ পেদঅ কন্ সময় চুর্ এবঅ সালে তে জাগি থেদঅ, নিজো ঘরত্ তে চুর্ সোমেবাত্তে ন-দিদো।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 21:7

শিচ্চ্যগুনে যীশুরে পুযোর্ গুরিলাক্, “মাষ্টরবাবু, কক্কে ইয়েনি অবঅ আর কিবাবোত্যে চিহ্নো দেগিনে আমি বুঝি পারিবোং যে, ইয়েনি ঘুদিবার্ অক্ত ওইয়্যে?”

প্রেরিত্‌ 1:7

যীশু তারারে কলঅ, “যেদিন্নো বা সময়বো বাবা নিজো আন্‌‌‌‌‌যামে রাগেয়্যে সিবে তমারে জানিবাত্তে দিয়্যে ন-অয়।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।