মথি লেখ্যে গম্ হবর্ 24:22 - Chakma Bible

²² মাত্তর্ সেই দুঘোর্ দিনুন্ যুনি গোজেনে কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে গোজেনে সেই দিনুন্ কোমেই দিবো।

মথি লেখ্যে গম্ হবর্ 24:22 ပူးပေါင်းရင်းမြစ်များ

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

সখরিয় 13:8

গোদা দেজ্‌‌‌‌‌‌ছানর তিন ভাগর্ দ্বিভাগ মান্‌‌‌‌‌‌জ্যরে মারে ফেলা অবঅ, মাত্তর্ মুই লগেপ্রভু কঙর্, তিন লম্বর্ ভাগ্‌‌‌‌‌‌কো সে ভিদিরে বাঁজি থেবঅ।

সখরিয় 14:2

যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।

মথি লেখ্যে গম্ হবর্ 22:14

হিত্ত্যবোর্ শেজদি যীশু কলঅ, “ইয়েনত্তে কং, বোউত্ মান্‌জ্যরে ডাগা ওইয়্যে মাত্তর্ কম্ মান্‌জ্যরে বেঈ নেযা ওইয়্যে।”

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

মার্ক 13:20

মাত্তর্ প্রভু যুনি সেই দুঘোর্ দিনুন্ কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে সেই দিনুন্ গোজেনে কোমেই দিয়্যে।

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

রোমীয় 9:11

সেই মরদ্‌তো আমার পূরোণি মানুচ্ ইস্‌হাকে এলঅ। সেই পুয়ো দ্বিবের্ জর্মর্ আগেদি যেক্কে তারা গম্ বা ভান্ন্যেই কিচ্চু ন-গরন্ গোজেনে সেক্কে রিবিকারে কোইয়্যে, “দাঙর্‌বো চিগোন্নোর্ চাগর্ অবঅ।” ইয়েন্দোই গোজেনে দেগেয়্যেদে যে, নিজো উদ্দেশ্যগান্ পূরোণ গুরিবাত্তে তেয়ই বেঈ লয়; কনঅ কামর্ ফলে তে সিয়েন ন-গরে বরং তা আওজ্ মজিম তে মান্‌জ্যরে ডাগে।

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।