মথি লেখ্যে গম্ হবর্ 24:21 - Chakma Bible

²¹ সেক্কে এমন্ দুঘ্ অবঅ যিয়েন্ জগদর্ আরাম্ভত্তুন্ ধুরি এ সময়ান সং কনদিন্অ ন-অয় আর নয়ো অবঅ।

মথি লেখ্যে গম্ হবর্ 24:21 ပူးပေါင်းရင်းမြစ်များ

যিহিষ্কেল 5:9

তর্ বেক্ জঘন্য মূত্তিগুনোত্তে মুই তঅ উগুরে যিয়েনি গুরিম সিয়েনি মুই আগে কনদিন্‌অ ন-গরং আর কনদিন্‌অ ন-গুরিম।

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

যোয়েল 1:2

ও বুড়ো মানুচ্চুন, তুমি এ কধাগান শুনো; ও দেজত্ বজত্তি গুরিয়্যে মানুচ্চুন, তুমি বেক্কুনে শুনো। তমার্ বা তমা পূরোণি মানুচ্চুনোর সময়োত্ কি এবাবোত্যে ঘটনা কনদিন্‌অ ঘোট্যে?

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মথি লেখ্যে গম্ হবর্ 24:20

গোজেন ইধু তবনা গরঅ যেন জার্‌কাল্যে বা জিরেবার্ দিনোত্ তমাত্তুন্ ধেইযা ন-পড়ে!

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

মার্ক 13:9

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

ফগদাং পেইয়্যে 16:18

সেক্কে দেবা ঝিমিলেনি উয়ো ধুরিলো, দর্‌গরেপারা আবাজ্ অনা আর দেবা পেরাগ পড়া ধুরিলো আর এমন্‌ দর্‌গরেপারা ভূজোল্ বেলঅ যিয়েন পিত্‌থিমীত মানুচ্‌ সৃট্টির পরেত্তুন্ ধুরি আর কনদিন্‌অ দেগা ন-যায়। সেই ভুজোলান্ অমকদ দর্‌গরেপারা এলঅ।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।