মথি লেখ্যে গম্ হবর্ 24:14 - Chakma Bible

¹⁴ বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

মথি লেখ্যে গম্ হবর্ 24:14 ပူးပေါင်းရင်းမြစ်များ

যিহিষ্কেল 7:10

চঅ, দিন্নো এজের্! সিগুন্ লুম্মোন্দি! সর্বনাশ্‌চান্ ফাদিনে নিগিল্যে, লুদিক্কোত্ বোল্ পোজ্যে, বাড়্‌বোগানর্ ফুল ফুট্যে।

মথি লেখ্যে গম্ হবর্ 10:7

তুমি যাদে যাদে এ কধাগান ফগদাং গরঅ, স্বর্গ-রেজ্যগান্ কায়কুরে এইচ্চ্যে।

মথি লেখ্যে গম্ হবর্ 18:19

“মুই তমারে আরঅ কঙর্, তমা ভিদিরে দ্বিজন্ যুনি একমন্ ওইনে কনঅ পৌইদ্যেনে তবনা গরে সালে মর্ স্বর্গর্ বাপ্পো তমাত্তে সিয়েন্ গুরিবো,

মথি লেখ্যে গম্ হবর্ 24:3

যীশু যেক্কেনে জৈতুন মুড়োবোত্ বুয়োই এলঅ সেক্কে শিচ্চ্যগুনে আন্দলে আন্দলে তাইধু এইনে কলাক্, “আমারে কঅ, কক্কে ইয়েনি ঘুদিবো আর কিবাবোত্যে চিহ্নোলোই বুঝো যেবঅ যে ইবেয়ই তর্ এবার্ সময় আর যুগ থুম্ অবার্ অক্ত ওইয়্যে?”

মথি লেখ্যে গম্ হবর্ 24:6

তুমি যুদ্ধোর্ রঅ শুনিবাত্যে যর্ আর যুদ্ধোর্ হবরা-হবর্‌অ তুমি শুনিবা। মাত্তর্ উজিয়ার্! ইয়েন্দোই ন-দোরেয়ো, কিয়া ইয়েনি অবঅ; মাত্তর্ সেক্কেয়ো থুম্ নয়।

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 9:35

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।

মার্ক 13:10

বেক্ জাদ্‌তুনো ইধু পত্তমে গোজেনর দিয়্যে গম্ হবরান্ ফগদাং গরা অবঅ।

লূকে লেখ্যে গম্ হবর্ 2:1

সে অক্তত্ সম্রাট আগস্ত কৈসরে তা রেজ্যত্ বেক্ মানুচ্চুনোরে নাঙ্ লিগিবাত্তে উগুম দিলো।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

লূকে লেখ্যে গম্ হবর্ 4:5

পরেদি শদানে তারে এক্কান্ অজল্ জাগাত্ নেযেল আর ঝিমিদোত্ জগদর্ বেক্ রেজ্যগানি দেগেইনে কলঅ, “ইয়েনি বেক্কানির্ অধিকার আর সিয়েনির সয়-সাগোজ্যেগানি মুই তরে দিম্, কিত্যে ইয়েনি বেক্কানি মরে দিয়্যে ওইয়্যে। মর্ যিবেরে আওজ্ মুই তারেই সিয়েনি দি পারং।

প্রেরিত্‌ 1:2

যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

প্রেরিত্‌ 11:28

তারাত্তুন্ আগাব নাঙে একজনে থিয়্যেইনে পবিত্র আত্মার পরিচালনাই কলঅ, গোদা রোম রেজ্যত্ এক্কো অমকদ ভাদ রাত্ অবঅ। (সম্রাট ক্লৌদিয়র রাজাগিরির্ সময়োত্ সে কধাগান পুরেল।)

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

প্রেরিত্‌ 17:6

মাত্তর্ সিধু তারা তারারে ন-পেলাক্। সেক্কে তারা যাসোন আর কয়েক্কো বিশ্বেজি ভেইয়োরে টানি নেযেইনে শঅর-নেতাগুনো ইধু গেলাক্ আর রঅ ছাড়িনে কলাক্, “যে মানুচ্চুনে গোদা দুনিয়েগান্ উলোত্-পালত্ গোজ্জ্যন্ তারা ইক্কিনে ইধুয়ো লুম্মোন্দি;

প্রেরিত্‌ 19:27

ইয়েনত্ বানা যে আমার বেবসার সুনাং যেবঅ সিয়েন নয়, মাত্তর্ মহান দেবী আর্তেমিসর মন্দির-অ মিঝে ওই যেবঅ। আর এশিয়া রেজ্যর্ বেক্‌ মানুচ্চুনে, এমন্‌ কি, জগদর্ বেক্কুনে যে দেবীর উবোসনা গরন্ তে নিজেয়ো মহান ন-থেবঅ।”

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

রোমীয় 10:18

মাত্তর্ মুই কং, ইস্রায়েলীয়গুনে কি সেই কধানি ন-শুনোন্? খামাক্কায় শুন্ন্যন্। পবিত্র বোইবো কয়, তারার্ ডাগানাগান্ গোদা দুনিয়েগানত্ ছিদি পোজ্জ্যে, ছিদি পোজ্জ্যে তারার্ কধানি জগদর্ থুমো দুজি সং

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।

ইব্রীয় 1:6

না, তে সিয়েন ন-কয়। গোজেনে তার্ আজল্ পুয়োবোরে এ পিত্‌থিমীত দিপাধেবার অক্তত্ কোইয়্যেদে, “গোজেনর্ বেক্ দূত্‌‌তুনে তারে গোজেনর্ সর্মান দিইনে সালাম গোরোদোক্।”

ইব্রীয় 2:5

ভবিচ্চদর্ যে জগদর্ কধা আমি কোর্, গোজেনে সিয়েন স্বর্গদূত্‌তুনোর্ অধীনোত্ ন-থয়।

ফগদাং পেইয়্যে 14:6

সে পরেদি মুই আর এক্কো স্বর্গদূতোরে আগাজর্ ভালোদ্দুর্ অজলত্ উড়োদে দেগিলুং। পিত্‌থিমীত্ বজত্তি গুরিয়্যে মানুচ্চুনো ইধু, অত্তাৎ পত্তি জাত্, গুট্টি, ভাযা আর দেজর্ মানুচ্চুনো ইধু ফগদাং গুরিবাত্যে তাইধু উমরর্ গম্ হবর্ এলঅ।

ফগদাং পেইয়্যে 16:14

সেই ভান্ন্যেই আত্মাগুনে আমক্ আমক্ কাম গত্তন্। বেগত্তুন্ খেমতাবলা সেই গোজেনর দাঙর্ দিনোত্ যুদ্ধো গুরিবাত্যে তারা সারা জগদর্ রাজাগুনোরে এগত্তর্ গুরিলাক্।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।