মথি লেখ্যে গম্ হবর্ 23:5 - Chakma Bible

⁵ মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।

মথি লেখ্যে গম্ হবর্ 23:5 ပူးပေါင်းရင်းမြစ်များ

২ রাজাবলী 10:16

সে পরেন্দি যেহূ কলঅ, “মঅ লগে আয় আর লগেপ্রভুত্তেই মর্‌ আওজ্‌চান্‌ কত্তমান্‌ সিয়েন্‌ চঅ।” ইয়েন্‌ কোইনে তে তারে তার রথ্‌তানত্‌ গুরি নেযেল।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

গম্ উপদেজ্ 3:3

বিশ্বেজ্‌চান আর গম কামানিয়ে যেন কনদিন্অ তরে ছাড়িনে ন-যায়; তঅ গত্তনাত্ সিয়েনি বানি রাগা, তঅ মন খাতাদ্ সিয়েনি লিগি রাগা।

লেবীয় 13:32

সে পরেদি সে সাত দিনোর্‌ শেজ্ দিন্নোত্‌ ধর্মগুরুবো আরঅ‌ সিয়েনি পোরোক্ষ্যে গুরিনে যুনি দেগে সেই কাচ্‌ছোনিগান্‌ ছিদি ন-পড়ে আর সিয়েন ভিদিরে কেশ্‌চানিয়ো ওলোদ্যে ন-অয় আর অয়ত সিয়েন চামাড়াগান্‌ ছিদিনে মুরোত্ ন-যায়,

মথি লেখ্যে গম্ হবর্ 9:20

সে সময়োত্ এক্কো মিলে পিজেন্দিত্তুন্ যীশু ইধু এইনে তা আঢ্ কাবড়র কণাবো ধুরিলো। মিলেবো বার বজর্ ধুরিনে মিলে পীড়েত্ ভুগের্।

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

লূকে লেখ্যে গম্ হবর্ 20:47

এক কিত্ত্যেদি তারা মানুচ্চুনোরে দেগেবাত্যে লাম্বা লাম্বা তবনা গরন্, অন্য কিত্ত্যেদি রানি মিলেগুনোর্ সোম্বোত্তিগানি গজক্ গরন্। এ মানুচ্চুনোর্ বউৎ বেশ্ সাজা অবঅ।”

যোহন 12:43

তারা গোজেনত্তুন্ বাঈনী পানাত্তুন্ মান্‌জ্যত্তুন্ বাঈনী পানাগান্ বেশ্ গম্ পেদাক্।

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

যোহন 7:18

যে নিজোত্তুন্ কধা কয় তে তার্ নিজোর্ নাঙ্ ফুদেবার্ চেষ্টা গরে, মাত্তর্ যে দিপাধেয়্যে, কেঅ যুনি তার নাঙ্ ফুদেবার্ চেষ্টা গরে সালে তে সত্যবাদী আর তা মনত্ কনঅ ছলনা নেই।

দ্বি’লম্বর বিররণ 11:18

তমার রিবেঙত্ আর মনত্‌ মর্‌ এ কধানি গাদেই রাগেবা, সিয়েনি মনত্‌ রাগেবার্‌ চিহ্নো ইজেবে আদত্‌ বানি রাগেবা আর কবালত্‌ লিবি রাগেবা।

দ্বি’লম্বর বিররণ 22:12

তমার আলোয়ান্‌ কাবরর চের্‌ কোনাত্‌ গিরে বানিবা।

দ্বি’লম্বর বিররণ 6:8

তুমি সিয়েনি মনত্‌ রাগেবার্‌ চিহ্নো ইজেবে তমা আদত্‌ বাঁনি রাগেবা আর কবালত্‌ লিবি রাগেবা।

ফিলিপীয় 1:15

তারাত্তুন্ কেঅ কেঅ খালিক্ ইংসে আর দলাদলির্ মনভাব্‌পোই খ্রীষ্ট পৌইদ্যেনে প্রচার গরন্; আরঅ অন্যগুনে গম্ উদ্দেচ্চ্যলোই সিয়েন গরন্।

ফিলিপীয় 2:3

নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।