মথি লেখ্যে গম্ হবর্ 23:34 - Chakma Bible

³⁴ সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

মথি লেখ্যে গম্ হবর্ 23:34 ပူးပေါင်းရင်းမြစ်များ

২ রাজাবলী 21:10

সেক্কে লগেপ্রভু তা চাগরুনোরে, অত্তাৎ ভাববাদীগুনোরে দিইনে এ কধাগান কলঅ,

২ বংশধর 24:21

মাত্তর্‌ মানুচ্চুনে সখরিয়র বিরুদ্ধে কুজুরোমি গুরিলাক্‌ আর রাজার উগুমে লগেপ্রভুর ঘর উদোনত্‌ তারে ঢলা মারিনে মারে ফেলেলাক্‌।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

যিরমিয় 26:8

মাত্তর্ লগেপ্রভুর উগুম মজিম যিরমিয় বেক কধানি কনা যেক্কে থুম্ গুরিলো সেক্কে ধর্মগুরু, ভাবাবদী আর বেক মানুচ্চুনে তারে ধুরিনে কলাক্, “তত্তুন মরা পুরিবো।

যিরমিয় 36:26

সিয়েনর বদলে তে লিগিয়্যে বারূক আর ভাববাদী যিরমিয়রে ধুরি আনিবাত্তে রাজার পুয়ো যিরহমেল, অস্রীয়েলর পুয়ো সরায় আর অব্দিয়্যেলর পুয়ো শেলিমিয়রে উগুম দিলো। মাত্তর্ লগেপ্রভু তারারে লুগেই রাগেল।

মথি লেখ্যে গম্ হবর্ 10:23

কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

মথি লেখ্যে গম্ হবর্ 23:31

ইয়েন্দোই তুমি নিজোর বিরুদ্ধে ইয়েন সাক্ষ্য দোত্তে যে, যিগুনে ভাববাদীগুনোরে খুন গোজ্যন্ তুমি তারই বংশধর।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 11:27

ইয়েন ভিদিরে কয়েক্কো ভাববাদী যিরূশালেমত্তুন্ আন্তিয়খিয়াত্ এলাক্।

প্রেরিত্‌ 12:2

তে যোহন ভেই যাকোবরে ছুরিলোই খুন্ গোরেয়্যে।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 15:32

যিহূদা আর সীল নিজেয়ো এলাক্ ভাববাদী, সেনত্তে তারা ভালোক্কানি কধা কোইনে সিধুগোর্ ভেইয়ুনোরে উচ্চোমি তুলি দিলাক্ আর তারা বিশ্বেজ্‌চান বাড়েইনে তারারে দরমর গুরি তুলিলাক্।

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।

১ করিন্হীয় 2:6

যিগুনে খ্রীষ্টীয় জিংকানিত্ পাগানা তারা ইধু অবুচ্চোই আমি জ্ঞানর্ কধা কোই; মাত্তর্ সেই জ্ঞানান্ এ জগদর্ নয়, বা এ জগদর্ নেতাগুনোর্‌অ নয় যিগুনে খেমতা-নেইয়্যে ওইয়োন্ ।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

ইব্রীয় 11:37

মান্‌জ্যে তারারে পাত্তর্ মাজ্জ্যন্, আড়ালোই দ্বিকট্টা গুরি কাপ্প্যন্ আর ছুরিলোই খুন্ গোজ্জ্যন। তারা অত্যেচার আর ভান্ন্যেই বেবহার পেইয়োন, আর রাদত্ পড়িনে ভেড়া আর ছাগল চাম্ পিনিনে ঘুরি বেড়েদাক্।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।