মথি লেখ্যে গম্ হবর্ 23:23 - Chakma Bible

²³ ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

মথি লেখ্যে গম্ হবর্ 23:23 ပူးပေါင်းရင်းမြစ်များ

গম্ উপদেজ্ 21:3

লগেপ্রভু ইদু য়েমান-উৎসর্ব গরানাত্তুন্ ঠিগ্ আর গম্ কাম গরানা আরঅ দোল্।

যিশাইয় 28:25

মাদি উগুরেগান্ সং গুরিলে পরেদি তে কি কালোজিরা আর জিরে ন-লাগায়? তে কি সুর্ সুর্ গুরি গম, জাগা মজিম্ মোক্ক্যে আর খেদ দুযিত্ জনার ন-লাগায়?

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

লেবীয় 27:30

“ভূইয়োত্তুন্‌ যিয়েনি পাহ্ যেবঅ তার্‌ দশ ভাগর্‌ এক ভাগ লগেপ্রভুর-সিয়েন্‌ ভূইয়োর্‌ ফসল ওক্‌ বা গাজর্‌ গুলোগুলি ওক্। সিয়েন্‌ লগেপ্রভুর্ নাঙে যুদো গুরি রাগেয়্যে ।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

মথি লেখ্যে গম্ হবর্ 12:7

‘মুই দোয়্যেমেয়্যে দেগিবাত্তে চাং, য়েমান্-উৎসর্ব নয়’-বোইয়োর্ এ কধাগানর্ অত্ত যুনি তুমি জানিদা সালে নিদ্দুজিগুনোরে দুষি ন-গুরিদা।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 9:13

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

লূকে লেখ্যে গম্ হবর্ 11:42

ফরীশীগুন তমাত্যে কত্তমান্ দর্‌গরেপারা! তুমি গোজেনরে পুদিনা, তেজ্‌‌পাদা আর নানান্ বাবোত্যে শাগ্-পাদর্ দশ ভাগর্ এক ভাগ্ দি থাগঅ, মাত্তর্ ন্যায়বিচের্ আর গোজেন উগুরে কোচ্‌‌পানা ইন্দি মনযোগ্ ন-দুয়ো। আগ ইয়েনি পালানা লগে লগে যেরেদিনিয়ো পালানা তমার্ উচিত।

লূকে লেখ্যে গম্ হবর্ 18:12

মুই সাপ্তায় দ্বিবার্ উবোচ্‌ থাং আর মর্ বেক্ আয়ত্তুন্ দশ ভাগর্ এক ভাগ্ তরে দুয়োং।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।