মথি লেখ্যে গম্ হবর্ 23:18 - Chakma Bible

¹⁸ তুমি আরঅ এই কধাগান্ কোই থাগঅ, পূজো নাঙে কেঅ শমক্ হেলে কিচ্চু ন-অয়, মাত্তর্ যুনি কেঅ সেই পূজোবো উগুরে যে দান্ আঘে সিয়েন নাঙে শমক্ গরে তে সেই শমথ্‌তান্দোই বানা পড়ে।

মথি লেখ্যে গম্ হবর্ 23:18 ပူးပေါင်းရင်းမြစ်များ

২ বংশধর 6:22

কনঅ মান্‌জ্যরে অন্যগুনোর্‌ বিরুদ্ধে অন্যেয় গরাণার দুজে দুযি গরা অলে তার্‌ নিজো উগুরে অভিশাব ডাগি আনিবাত্তে যুনি তারে শমক্‌ হেবাত্তে বাধ্য গরা অয় আর তে যেইনে তঅ ঘর পূজোবো মুজুঙোত্‌ তে শমক্‌ খায়,

মথি লেখ্যে গম্ হবর্ 23:16

অভিশাব্ পোড়োক্ তমার্! তুমি নিজে কান্ অদচ অন্যগুনোরে পথ্ দেগঅ। তুমি কোই থাগঅ, উবোসনা-ঘর নাঙে কেঅ শমক্ হেলে সেক্কে কিচ্চু ন-অয়, মাত্তর্ যুনি কেঅ উবোসনা-ঘরর্ সনাগান নাঙে শমক্ হান্ সালে তে সেই শমক্কান্দোই বানা পড়ে।

মথি লেখ্যে গম্ হবর্ 23:17

মূর্খ আর কানা দল, কুবোন্ দাঙর্? সনা, নাহি সেই উবোসনা-ঘর্ যিয়েন সেই সনাগানরে গোজেনত্তে যুদো গুরি রাগায়?

মথি লেখ্যে গম্ হবর্ 23:19

কানার্ দল, কুবোন্ দাঙর্? সেই দানুন্, নাহি সেই পূজোবো যিবে সেই দানুনোরে গোজেনত্তে যুদো গুরি রাগায়?

মার্ক 7:11

মাত্তর্ তুমি কোই থাগঅ, যুনি কেঅ তার্ মা-বাবরে কয়, ‘মর্ যে জিনিস্‌চান্দোই তর্ সাহায্য ওই পারিদো সিয়েন গদ্দন্,’ অত্তাৎ গোজেন ইধু উৎসর্ব গরা ওইয়্যে,

গালাতীয় 5:3

মুই বেক্কুনো ইধু আরঅ এ সাক্ষ্যগান্ দোঙর্, যিবের চুনু মাঢা কাবা অয় তে বেক্‌ রীতি-সুদোমানি পালাদে বাধ্য।