মথি লেখ্যে গম্ হবর্ 23:16 - Chakma Bible

¹⁶ অভিশাব্ পোড়োক্ তমার্! তুমি নিজে কান্ অদচ অন্যগুনোরে পথ্ দেগঅ। তুমি কোই থাগঅ, উবোসনা-ঘর নাঙে কেঅ শমক্ হেলে সেক্কে কিচ্চু ন-অয়, মাত্তর্ যুনি কেঅ উবোসনা-ঘরর্ সনাগান নাঙে শমক্ হান্ সালে তে সেই শমক্কান্দোই বানা পড়ে।

মথি লেখ্যে গম্ হবর্ 23:16 ပူးပေါင်းရင်းမြစ်များ

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:17

মূর্খ আর কানা দল, কুবোন্ দাঙর্? সনা, নাহি সেই উবোসনা-ঘর্ যিয়েন সেই সনাগানরে গোজেনত্তে যুদো গুরি রাগায়?

মথি লেখ্যে গম্ হবর্ 23:19

কানার্ দল, কুবোন্ দাঙর্? সেই দানুন্, নাহি সেই পূজোবো যিবে সেই দানুনোরে গোজেনত্তে যুদো গুরি রাগায়?

মথি লেখ্যে গম্ হবর্ 23:24

তুমি নিজে কান্ অদচ অন্যগুনোরে পথ্ দেগঅ। এক্কো চিগোন্ মাছিয়ো তুমি ছাগি লঅ অদচ উট গিলি ফেলঅ।

মথি লেখ্যে গম্ হবর্ 23:26

কানা ফরীশীগুন, আগে সিগুনোর্ ভিদিরেদিগান্ সাব্ গরঅ, সেক্কে সিয়েনর্ বারেদিগান্অ সাব্ অবঅ।

গালাতীয় 5:3

মুই বেক্কুনো ইধু আরঅ এ সাক্ষ্যগান্ দোঙর্, যিবের চুনু মাঢা কাবা অয় তে বেক্‌ রীতি-সুদোমানি পালাদে বাধ্য।

যাকোব 5:12

মর্ ভেইয়ুন্, মুই বিশেজ্ গুরিনে এ কধাগান কং, তুমি স্বর্গ, পিত্‌থিমী বা অন্য কনঅ জিনিজো নাঙে শমক্ ন-হেয়ো। সিয়েনত্তুন্ বরং তমার “অয়,” “অয়” ওক্ আর “নয়,” “নয়”ওক্, যেন তুমি বিচেরর্ দায়ত্ ন-পড়।