মথি লেখ্যে গম্ হবর্ 23:13 - Chakma Bible

¹³ ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:13 ပူးပေါင်းရင်းမြစ်များ

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

সখরিয় 11:17

“অভিশাব্ পোড়োক্, সেই অপদাত্ত গরগ্‌‌কোর, যে সেই পাল্লো ছাড়িনে যায়! লাম্বা ছুরিগানে যেন তা আঢ্‌তানরে আর ডেন্ চোগ্‌‌‌‌কোরে আঘাত গরে। সেক্কে তা আঢ্‌‌‌তান এক্কুবারে শুগেই যেবঅ আর তা ডেন্ চোগ্‌‌‌কো এক্কুবারে কান্ ওই যেবঅ।”

মথি লেখ্যে গম্ হবর্ 23:16

অভিশাব্ পোড়োক্ তমার্! তুমি নিজে কান্ অদচ অন্যগুনোরে পথ্ দেগঅ। তুমি কোই থাগঅ, উবোসনা-ঘর নাঙে কেঅ শমক্ হেলে সেক্কে কিচ্চু ন-অয়, মাত্তর্ যুনি কেঅ উবোসনা-ঘরর্ সনাগান নাঙে শমক্ হান্ সালে তে সেই শমক্কান্দোই বানা পড়ে।

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

মথি লেখ্যে গম্ হবর্ 23:25

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি থাল্-কদরার্ বারেদিগান্ তেল্‌তেল্যে গুরি রাগঅ, মাত্তর্ সিগুন জুলুমোর্ জিনিস আর লুভে ভরা।

মথি লেখ্যে গম্ হবর্ 23:27

ফক্কর্ ধর্ম-মাষ্টর্ আর ফরীশীগুন, তমাত্যে কত্তমান্ দর্‌গরেপারা! তুমি চিবিদিলোই বানেয়্যে গৌর ধোক্ক্যেন্, যিয়েনর বারেদিগান্ দোল্ মাত্তর্ ভিদিরেদিগান্ মরা মান্‌জ্য আড়্-গোড়া আর নানান্ বাবোত্যে কজরালোই ভোজ্যে।

মথি লেখ্যে গম্ হবর্ 23:29

তমাত্যে কত্তমান্ দর্‌গরেপারা! তুমি ভাববাদীগুনোর গৌরুন্ নূয়ো গুরি বানঅ আর গোজেন ভক্ত মানুচ্চুনোর গৌরানি সাজঅ।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

লূকে লেখ্যে গম্ হবর্ 11:52

“ধর্ম-মাষ্টরুন তমাত্যে কত্তমান দর্‌গরেপারা! তুমি জ্ঞানর্ চাবি নেযেয়ো। নিজেয়ো ভিদিরে ন-সমঅ আর যিগুনে ভিদিরে সুমিবাত্তে চেইয়োন্ তারারেয়ো সোমেবাত্তে ন-দুয়ো।”

যোহন 9:22

তা মা-বাবে যিহূদী নেতাগুনো দরে এই বেক্‌ কধানি কলাক্, কিয়া যিহূদী নেতাগুনে আগে ঠিগ্ গোজ্যন্, কনজনে যুনি যীশুরে মশীহ বিলিনে স্বীগের্ গরন্ সালে তারে সমাজত্তুন্ নিগিলেই দিয়া অবঅ।

যোহন 9:24

যে মানুচ্চো আগেদি কানা এলঅ নেতাগুনে তারে দ্বিবার্ ডাগিনে কলাক্, “তুই সত্য কধা কোইনে গোজেনরে বাঈনী গর্। আমি দঅ কোই পারিই সে মানুচ্চো পাপী।”

যোহন 9:34

জোবত্ নেতাগুনে কলাক্, “তর্ জর্ম ওইয়্যেদে এক্কুবারে পাপত্তুন্, আর তুই আমারে শিক্ষ্যে দুয়োর্?” ইয়েন্ কোইনে তারা তারে সমাজত্তুন্ নিগিলেই দিলাক্।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।

প্রেরিত্‌ 8:1

শৌলে সিধু স্তিফানর খুনর্ পক্ষে কধা কর্। সেদিন্যে যিরূশালেমর খ্রীষ্টীয় মণ্ডলীর মানুচ্চুনো উগুরে অমকদ অত্যেচার অলঅ। সিয়েন্দোই দিপাধেয়্যেগুন বাদে বাদবাগি বেক্ বিশ্বেজিগুন যিহূদিয়া আর শমরিয়া রেজ্যর্ বেক্ জাগানিত্ ছিদি পড়িলাক্।

২ তীমথিয় 3:8

যেধোক্ক্যেন গুরি যান্নি আর যাম্ব্রি মোশি বিরুদ্ধে থিয়্যেয়োন্ ঠিগ্ সেবাবোত্যে গুরি এ মানুচ্চুনেয়ো সেই সত্যগানর্ বিরুদ্ধে থিয়্যেয়োন্। ইগুনোর্ মনানি কুজুরো আর খ্রীষ্টীয় ধর্ম-বিশ্বেজর্ কনঅ প্রমাণ তারা ইধু পাহ্ ন-যায়।

২ তীমথিয় 4:15

তুইয়ো তা পৌইদ্যেনে উজিয়ার্ থাগ্, কিয়া তে আমা প্রচারর্ বিরুদ্ধে দরমর গুরি লাক্ক্যে।