মথি লেখ্যে গম্ হবর্ 22:12 - Chakma Bible

¹² এক্কো মানুচ্ মেলা কাবড়্ ন-পিনিনে সিধু এচ্চ্যে। রাজা তারে পুযোর্ গুরিলো, ‘সমাজ্যেবো, মেলা কাবড়্ ন-পিনিনে কেধোক্ক্যেন্ গুরি ইধু সুমিলে?’ তে ইয়েনর্ কনঅ জোব্ দি ন-পারিলো।

মথি লেখ্যে গম্ হবর্ 22:12 ပူးပေါင်းရင်းမြစ်များ

ইয়োব 5:16

সেনত্তে অসহায় মানুচ্চুনে আজালোই বুক্কো বানন্‌, আর অবিচের্‌ বন্ধ ওই যায়।

গীতসংহিতা 107:42

গোজেন ভক্ত মানুচ্চুনে সিয়েনি দেগিনে হুজি অন, মাত্তর্ অন্যেয়গুরিয়্যেগুনে মুয়োন ন-খুলোদে বাধ্য অন্।

যিরমিয় 2:23

তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

মথি লেখ্যে গম্ হবর্ 20:13

“সেক্কে গিরোজ্‌সো তারা ভিদিরেত্তুন্ একজনরে কলঅ, ‘মঅ সমাজ্যেবো, মুই তঅ উগুরে দঅ অন্যেয় ন-গরং। তুই কি এক দিনারে কাম্ গুরিবাত্তে রাজী ন-অচ্?

মথি লেখ্যে গম্ হবর্ 26:50

যীশু তারে কলঅ, “দাংগু, যিয়েন্ গুরিবাত্তে এচ্চ্যস্, সিয়েন গর্।” মানুচ্চুনে লগে লগে এইনে যীশুরে ধুরিলাক্।

মথি লেখ্যে গম্ হবর্ 5:20

মুই তমারে কঙর্, ধর্ম-মাষ্টর আর ফরীশীগুনোর ধার্মিকতাগানত্তুন্ তমার যুনি বেশ্ কিজু ন-থায় সালে তুমি কনবাবদে স্বর্গ-রেজ্যত্ সোমেই ন-পারিবা।

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

তীত 3:11

তুই দঅ কোই পারচ, এবাবোত্যে মান্‌জ্যর্ মনর্ চিন্তেগান ভান্ন্যেই। তে পাপী; তে নিজোরে নিজে দুষি বিলিনে প্রমাণ গরে।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।