মথি লেখ্যে গম্ হবর্ 21:44 - Chakma Bible

⁴⁴ যে এই পাত্তর্‌‍বো উগুরে পড়িবো তে ভাঙিনে কট্টা কট্টা ওই যেবঅ আর সেই পাত্তর্‌বো যিবে উগুরে পড়িবো তে ভস্ত ওই যেবঅ।”

মথি লেখ্যে গম্ হবর্ 21:44 ပူးပေါင်းရင်းမြစ်များ

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 2:9

লুয়ো শলালোই তুই তারারে ভাঙি ফেলেবে, নিগুজ্ গুরি দিবে মাত্যে পিলে ধোক্ক্যেন্।”

যিশাইয় 28:13

সেনত্তে তারা ইদু লগেপ্রভুর কধাগান্ অবদে, “ইয়েন্ গরঅ, উবোন্ গরঅ, এ সুদোমান্ মানঅ, উই সুদোমান্ মানঅ, ইয়োত্ আঘে, উবোত্ আঘে,” যেনে তারা যেইনে পিজেদি পড়ন্ আর আঘাত পেইনে ফালত্ ধরা পড়ন্।

যিশাইয় 60:12

যে জাদ্‌তো বা রেজ্যগানে তরে সেবা ন-গুরিবো সিয়েন ভস্ত অবঅ, ‌‌‌‌‌ সিয়েন পুরোপুরি ভস্ত ওই যেবঅ।

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

মথি লেখ্যে গম্ হবর্ 21:45

আজল্ ধর্মগুরুগুন আর ফরীশীগুনে যীশুর হিত্ত্যবো শুনিনে বুঝি পারিলাক্ তে তারা পৌইদ্যেনে কধা কর্।

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

মথি লেখ্যে গম্ হবর্ 27:25

জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 20:18

যে কেঅ সেই পাত্তর্‌‍বো উগুরে পড়িবো তে ভাঙিনে কট্টা কট্টা ওই যেবঅ আর যিবে উগুরে সেই পাত্তর্‌‌‌‌বো পড়িবো তে ভস্ত ওই যেবঅ।”

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।