মথি লেখ্যে গম্ হবর্ 21:41 - Chakma Bible

⁴¹ সেই ধর্ম-নেতাগুনে যীশুরে কলাক্, “তে সেই পাজি মানুচ্চুনোরে এক্কুবারে ভস্ত গুরিবো আর যে চাষাবলাগুনে তারে সময় মজিম্ ফসলর্ ভাগ্ দিবাক্ তারা ইধু সেই আংগুর খেদ্‌তান বাগা দিবো।”

মথি লেখ্যে গম্ হবর্ 21:41 ပူးပေါင်းရင်းမြစ်များ

গীতসংহিতা 2:9

লুয়ো শলালোই তুই তারারে ভাঙি ফেলেবে, নিগুজ্ গুরি দিবে মাত্যে পিলে ধোক্ক্যেন্।”

যিশাইয় 65:15

মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

সখরিয় 12:12

দেজর্ পত্তি বংশর্ মানুচ্চুনে যুদো যুদো গুরি বিলেপ্ গুরিবাক্। দায়ূদো বংশর, নাথন বংশর, লেবি বংশর, শিমিয়ির বংশর আর বাদবাগি বেক্ বংশর মানুচ্চুনে বিলেপ্ গুরিবাক্। মরদ্‌‌‌তুনে আর তারা মোগ্‌‌‌কুনে যুদো যুদো গুরিনে বিলেপ্ গুরিবাক্।

সখরিয় 13:8

গোদা দেজ্‌‌‌‌‌‌ছানর তিন ভাগর্ দ্বিভাগ মান্‌‌‌‌‌‌জ্যরে মারে ফেলা অবঅ, মাত্তর্ মুই লগেপ্রভু কঙর্, তিন লম্বর্ ভাগ্‌‌‌‌‌‌কো সে ভিদিরে বাঁজি থেবঅ।

মথি লেখ্যে গম্ হবর্ 21:34

যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো।

মথি লেখ্যে গম্ হবর্ 21:40

সালে কদে চাং, আংগুর খেদ গিরোজ্‌সো যেক্কে নিজে এবঅ সেক্কে তে সেই চাষাবলাগুনোরে কি গুরিবো?”

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

লূকে লেখ্যে গম্ হবর্ 20:16

তে এইনে তারারে মারে ফেলেব আর খেদ্‌‌‌‌তান অন্যগুনো আঢত্ দিবো।” যেক্কেনে মানুচ্চুনে এ কধাগান্ শুনিলাক্, সেক্কেনে কলাক্, “এবাবোত্যে ন-ওক্।”

প্রেরিত্‌ 15:7

বোউত্ তেম্মাং গরানার্ পরেদি পিতরে উদিনে তারারে কলঅ, “ভেইলগ্, তুমি দঅ কোই পারঅ যে, ভালোক্ দিন আগে তমা ভিদিরেত্তুন্ গোজেনে মরে বেঈ লোইয়্যে যাতে অযিহূদীগুনে মঅ মুয়োত্তুন্ গম্ হবরর্ কধা শুনিনে বিশ্বেজ্ গরন্।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

প্রেরিত্‌ 28:8

সেক্কে পুব্লিয় বাব্‌পো জ্বর্ আর সাং পিড়ে বিচ্চোনত্ পড়িনে ভুগের্। পৌলে ভিদিরে তাইধু যেইনে তবনা গুরিলো আর তা কিয়্যেত্ আঢ্ দিইনে তারে গম্ গুরিলো।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।