মথি লেখ্যে গম্ হবর্ 21:32 - Chakma Bible

³² কিয়া যোহনে গোজেনর্ আওজ্ মজিম আঢিবার্ পথ্‌তান দেগেবাত্তে তমা ইধু এইচ্চ্যে, আর তুমি তারে বিশ্বেজ্ ন-গরঅ। মাত্তর্ খাজানা-তুলিয়্যেগুনে আর বেশ্যেগুনে তারে বিশ্বেজ্ গোজ্যন্। ইয়েন্ দেগিনেয়ো তুমি মনানি ফিরেইনে তারে বিশ্বেজ্ ন-গরঅ।

মথি লেখ্যে গম্ হবর্ 21:32 ပူးပေါင်းရင်းမြစ်များ

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

মথি লেখ্যে গম্ হবর্ 11:18

যেক্কে যোহনে এলঅ; তে উবোস আর আংগুর-রস ন-হেলঅ, সেক্কে বেক্কুনে কদন্, ‘তারে ভুদে পেইয়্যে।’

মথি লেখ্যে গম্ হবর্ 21:25

কদে চাং, বাপ্তিস্ম দেনার্ অধিকারান্ যোহনে কুত্তুন্ পেইয়্যে? গোজেনত্তুন্, না মান্‌জ্যত্তুন্?” সেক্কে তারা নিজো ভিদিরে এ তেম্মাঙান্ গুরিলাক্, “আমি যুনি কোই, ‘গোজেনত্তুন্,’ সালে তে আমারে কবঅ, ‘সালে কিত্তে তুমি যোহনরে বিশ্বেজ্ ন-গরঅ?’

মথি লেখ্যে গম্ হবর্ 21:31

এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

মথি লেখ্যে গম্ হবর্ 5:46

যিগুনে তমারে কোচ্‌পান বানা তারারে যুনি তুমি কোচ্‌পঅ সালে তুমি কি বক্‌শিজ্ পেবা? খাজানা-তুলিয়েগুনেয়ো কি সে বাবোত্যে ন-গরন্?

২ তীমথিয় 2:25

যিগুনে তা বিরুদ্ধে থিয়্যেন তারারে তাত্তুন্ চিদে ওইনে শিক্ষ্যে দিয়্যে পরিবো। সেই শিক্ষ্যেগান যেন তে এ আজায় দে, গোজেনে তারারে মনানি ফিরেবার জু দিবো যেন গোজেনর্ সত্যগানরে তারা মূড়োত্ পুরিনে বুঝি পারন।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

২ পিতর 2:21

যুনিয়ো তারা গম জিংকানির্ পথ্‌তান হবর্ পেদাক্ তো যে পবিত্র উগুমান তারারে দিয়্যে যেইয়্যে সিয়েন তারা এলাফেলা গোজ্জ্যন।

ফগদাং পেইয়্যে 2:21

বেগেয়্যে গরানাত্তুন্ মনান্ ফিরেবাত্যে মুই তারে সময় দুয়োং মাত্তর্ তে মনান্ ফিরেবাত্যে রাজী ন-অয়।