মথি লেখ্যে গম্ হবর্ 21:31 - Chakma Bible

³¹ এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

মথি লেখ্যে গম্ হবর্ 21:31 ပူးပေါင်းရင်းမြစ်များ

ইয়োব 15:6

মুই নয়, মাত্তর্‌ তঅ নিজো মুয়োনে তরে দুযি গোজ্যে; তুই তর্‌ নিজো বিরুদ্ধে সাক্ষি দুয়োর্‌।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 18:3

মুই তমারে ঘেচ্চেক্‌গুরি কঙর্, যুনি তুমি মনানি ফিরেইনে চিগোন্ গুরোগুনো ধোক্ক্যেন্ ন-অ সালে কনবাবদে স্বর্গ-রেজ্যত্ সোমেই ন-পারিবা।

মথি লেখ্যে গম্ হবর্ 20:16

কিত্ত্যবোর্ শেজদি যীশু কলঅ, “সেনত্যে যিগুনে বেগ যেরেদি আগন্ তারা পত্তম্ অবাক্, আর পত্তমে যিগুনে তারা বেগ যেরেদি পড়িবাক্।”

মথি লেখ্যে গম্ হবর্ 21:30

মানুচ্চো পরেদি অন্য পুয়োবো ইধু যেইনে সেই একই কধা কলঅ। অন্য পুয়োবো জোবত্ কলঅ, ‘মুই যাঙর্,’ মাত্তর্ ন-গেলঅ।

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

মথি লেখ্যে গম্ হবর্ 5:46

যিগুনে তমারে কোচ্‌পান বানা তারারে যুনি তুমি কোচ্‌পঅ সালে তুমি কি বক্‌শিজ্ পেবা? খাজানা-তুলিয়েগুনেয়ো কি সে বাবোত্যে ন-গরন্?

মথি লেখ্যে গম্ হবর্ 6:5

তুমি যেক্কে তবনা গরঅ সেক্কে ভন্ডগুনো ধোক্ক্যেন্ ন-গোজ্য, কিয়া তারা মান্‌জ্য ইধু নিজোরে দেগেবাত্তে সমাজ-ঘরত্ আর পদ মুয়োত্ থিয়্যেইনে তবনা গত্তে গম্ পান্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মথি লেখ্যে গম্ হবর্ 7:21

যিগুনে মরে প্রভু, প্রভু কন্ তারা পত্তিজনে যে স্বর্গ-রেজ্যত্ সোমেই পারিবাক্ সিয়েন নয়, মাত্তর্ মঅ স্বর্গর্ বাপ্পো আওজ্‌চান যে পালায় তেয়ই সোমেই পারিবো।

মথি লেখ্যে গম্ হবর্ 9:9

যীশু যেক্কে সিয়েনত্তুন্ যাল্লোই সেক্কে পদথ্ মথি নাঙে এক্কো মান্‌জ্যরে খাজানা তুলেদে ঘরত্ বুয়োই থাগদে দেগিলো। যীশু তারে কলঅ, “আয়, মঅ শিচ্চ্য অগি।” মথি সেক্কেনে উদিনে তা সমারে গেলঅ।

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

লূকে লেখ্যে গম্ হবর্ 7:29

বেক্ সাধারন মানুচ্চুন্ আর খাজানা-তুলিয়্যেগুনে যোহন প্রচার্ শুন্ন্যন্ আর তাইধু বাপ্তিস্ম লোইনে গোজেনরে ন্যায়বলা বিলি হাম্ হেইয়োন্।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

রোমীয় 5:20

রীদি-সুদোম দিয়্যে অলঅ যাতে অন্যেয় বাড়ি যায়, মাত্তর্ যিয়েনত্ অন্যেয় বাড়িলো সিয়েনত্ গোজেনর্ দোয়্যেও বজমান্ বাড়িলো।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।