মথি লেখ্যে গম্ হবর্ 21:26 - Chakma Bible

²⁶ মাত্তর্ যুনি কোই, ‘মান্‌জ্যত্তুন্,’ সালে মানুচ্চুনোত্তুন্ আমার দর্ আঘে কক্কে কি গরন্, কিত্তে যোহনরে বেক্কুনে ভাববাদী বিলি মনে গুরিদাক্।”

মথি লেখ্যে গম্ হবর্ 21:26 ပူးပေါင်းရင်းမြစ်များ

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

মথি লেখ্যে গম্ হবর্ 11:9

সিয়েন ন-অলে কি চেবাত্তে যেইয়ো? কনঅ ভাববাদীরে নাকি? অয়, মুই তমারে কঙর্, তে ভাববাদীত্তুন্অ বেশ্ দাঙর্।

মথি লেখ্যে গম্ হবর্ 14:5

হেরোদ যোহনরে মারে ফেলেবাত্তে চেইয়্যে, মাত্তর্ তে ইহূদী মানুচ্চুনোরে দোরেদ কিয়া মান্‌জ্যে যোহনরে ভাববাদী বিলি মানিদাক্।

মথি লেখ্যে গম্ হবর্ 21:11

মানুচ্চুনে কলাক্, “তে গালীলোর্ নাসরত্ আদামর্ ভাববাদী যীশু।”

মথি লেখ্যে গম্ হবর্ 21:25

কদে চাং, বাপ্তিস্ম দেনার্ অধিকারান্ যোহনে কুত্তুন্ পেইয়্যে? গোজেনত্তুন্, না মান্‌জ্যত্তুন্?” সেক্কে তারা নিজো ভিদিরে এ তেম্মাঙান্ গুরিলাক্, “আমি যুনি কোই, ‘গোজেনত্তুন্,’ সালে তে আমারে কবঅ, ‘সালে কিত্তে তুমি যোহনরে বিশ্বেজ্ ন-গরঅ?’

মথি লেখ্যে গম্ হবর্ 21:27

ইয়েনত্তে জোবত্ তারা যীশুরে কলাক্, “আমি হবর্ ন-পেই।” সেক্কে যীশু তারারে কলঅ, “সালে মুইয়ো তমারে ন-কোম্ মুই কন্ অধিকারে ইয়েনি গরঙর্।”

মথি লেখ্যে গম্ হবর্ 21:46

সেক্কে তারা যীশুরে ধুরিবাত্তে চেলাক্, মাত্তর্ মানুচ্চুনো দরে সিয়েন্ ন-গুরিলাক্, কিয়া মান্‌জ্যে তারে ভাববাদী বিলি মনে গুরিদাক্।

মার্ক 11:32

মাত্তর্ যুনি কোই, ‘মান্‌জ্যত্তুন্,’ সালে?” তারা মানুচ্চুনোরে দোরেদাক্, কিয়া বেক্কুনে যোহনরে ঘেচ্চেক্‌গুরি এক্কো ভাববাদী বিলি মনে গুরিদাক্।

মার্ক 12:12

সেক্কে সেই ইহুদি নেতাগুনে যীশুরে ধুরিবাত্তে চেলাক্, কিয়া তারা বুঝিলাক্, হিত্ত্যবো যীশু তারা বিরুদ্ধে কোইয়্যে। মাত্তর্ তারা মানুচ্চুনো দরে যীশুরে ফেলেই গেলাক্।

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

লূকে লেখ্যে গম্ হবর্ 20:6

মাত্তর্ যুনি কোই, ‘মান্‌‌‌‌জ্যত্তুন্,’ সালে মানুচ্চুনে আমারে পাত্তর্ মারিবাক্, কিয়া তারা যোহনরে ভাববাদী বিলি বিশ্বেজ্ গুরিদাক্।”

লূকে লেখ্যে গম্ হবর্ 22:2

আঝল্ ধর্মগুরুগুনে আর ধর্ম-মাষ্টরুনে মানুচ্চুনোরে দোরেদাক্, আর তারা যীশুরে ভিদিরে ভিদিরে মারে ফেলেবাত্যে পধ্ তগাদন্।

যোহন 5:35

যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।

যোহন 9:22

তা মা-বাবে যিহূদী নেতাগুনো দরে এই বেক্‌ কধানি কলাক্, কিয়া যিহূদী নেতাগুনে আগে ঠিগ্ গোজ্যন্, কনজনে যুনি যীশুরে মশীহ বিলিনে স্বীগের্ গরন্ সালে তারে সমাজত্তুন্ নিগিলেই দিয়া অবঅ।

প্রেরিত্‌ 5:26

সেক্কে চাগর নেতাবো তা তলেদি চাগরুনোরে নেযেইনে দিপাধেয়্যে প্রচারক্কুনোরে ধুরি আনিলো। মাত্তর্ মানুচ্চুনে সেই চাগরুনোরে পাত্তর্ মারি পারন্ সেই দরে তারা দিপাধেয়্যে প্রচারক্কুনো উগুরে কনঅ জোরাজোরি ন-গরন্।