মথি লেখ্যে গম্ হবর্ 21:25 - Chakma Bible

²⁵ কদে চাং, বাপ্তিস্ম দেনার্ অধিকারান্ যোহনে কুত্তুন্ পেইয়্যে? গোজেনত্তুন্, না মান্‌জ্যত্তুন্?” সেক্কে তারা নিজো ভিদিরে এ তেম্মাঙান্ গুরিলাক্, “আমি যুনি কোই, ‘গোজেনত্তুন্,’ সালে তে আমারে কবঅ, ‘সালে কিত্তে তুমি যোহনরে বিশ্বেজ্ ন-গরঅ?’

মথি লেখ্যে গম্ হবর্ 21:25 ပူးပေါင်းရင်းမြစ်များ

যোহন 3:18

যে সেই পুয়োবো উগুরে বিশ্বেজ্ গরে তার্ কনঅ বিচের্ ন-অয়, মাত্তর্ যে বিশ্বেজ্ ন-গরে তারে দুষি বিলি আগেত্তুন্ ধুরি ঠিগ্ গরা ওইয়্যে, কিয়া তে গোজেনর্ বানা এক্কোগুরি পুয়ো উগুরে বিশ্বেজ্ ন-গরে।

যোহন 1:15

যোহনে তা পৌইদ্যেনে রঅ ছাড়িনে সাক্ষ্য দিইনে কলঅ, “তেয়ই সে মানুচ্চো যিবে পৌইদ্যেনে মুই কোইয়োং, যে মঅ পরেদি এজের্ তে মত্তুন্ বেশ্ দাঙর্, কিয়া তে মর্ বোউত্ আগেত্তুন্ ধুরি আঘে।”

লূকে লেখ্যে গম্ হবর্ 20:5

সেক্কে তারা নিজো ভিদিরে এ তেম্মাঙান্ গরা ধল্ল্যাক্, “আমি যুনি কোই, ‘গোজেনত্তুন্,’ সালে তে কবঅ, ‘সালে তারে বিশ্বেজ্ ন-গরঅ কিত্তে?’

যোহন 1:6

গোজেনে যোহন নাঙে এক্কো মান্‌‌জ্যরে পাধেয়্যে।

মথি লেখ্যে গম্ হবর্ 16:7

ইয়েন্দোই শিচ্চ্যগুনে নিজো ভিদিরে কুয়ো-কি গরানা আরাম্ভ গুরিলাক্। “আমি রুটি ন-আনিই বিলিনে তে এ কধাগান্ কত্তে।”

মথি লেখ্যে গম্ হবর্ 21:24

যীশু তারারে কলঅ, “মুইয়ো তমারে এক্কান্ কধা পুযোর্ গুরিম। তুমি যুনি মরে সিয়েনর্ জোব্ দি পারঅ সালে মুইয়ো তমারে কোম্ মুই কন্ অধিকারে ইয়েনি গরঙর্।

মথি লেখ্যে গম্ হবর্ 21:26

মাত্তর্ যুনি কোই, ‘মান্‌জ্যত্তুন্,’ সালে মানুচ্চুনোত্তুন্ আমার দর্ আঘে কক্কে কি গরন্, কিত্তে যোহনরে বেক্কুনে ভাববাদী বিলি মনে গুরিদাক্।”

লূকে লেখ্যে গম্ হবর্ 14:4

ধর্ম-নেতাগুনে জুরঅ ওই থেলাক্। সেক্কে যীশু মানুচ্চো কিয়্যেত্ আঢ্ দিইনে তারে ধুরিনে গম্ গুরিনে বিদেয় দিলো।