মথি লেখ্যে গম্ হবর্ 21:16 - Chakma Bible

¹⁶ ইয়েনি দেগিনে-শুনিনে তারা বিরক্ত ওইনে যীশুরে কলাক্, “তারা যিয়েন কদন্ সিয়েন তুই শুনোর্?” যীশু তারারে কলঅ, “অয়, শুনোঙর্। বোইয়োত্ তুমি কি কনদিন্অ ন-পড়: চিগোন্ পুয়ো-ঝি আর চিগোন্ চিজিগুনো কধানি ভিদিরে তুই নিজোত্তে বাঈনী গুরিবার্ বেবস্থা গোজ্যস্?”

মথি লেখ্যে গম্ হবর্ 21:16 ပူးပေါင်းရင်းမြစ်များ

গীতসংহিতা 8:2

চিগোন্ ঝি-পুয়োগুন আর চিজিগুনোর্ কধানি তুই খেমতার ঘর্ বানেয়োচ্; তঅ শত্রুগুনোর কধা ভাবিনে তুই সিয়েন গোজ্যচ্, যেনে তর্ শত্রু গুনেয়ো হেনা সুজিয়্যেগুনোরে তুই থামেই দি পারচ্।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 12:3

যীশু জোব্ দিলো, “দায়ূদ আহ্ তা সমাজ্যেগুনোর্ যেক্কে পেট্ পুরের্ সেক্কে তে কি গোজ্যে সিয়েন্ কি তুমি ন-পড়? তে দঅ গোজেন ঘরত্ সোমেইনে মুজুঙোত্ পেইয়্যে-রুটি হেইয়্যে।

মথি লেখ্যে গম্ হবর্ 19:4

জোবত্ যীশু কলঅ, “তুমি কি ন-পড়অ, সৃট্টি গুরিয়্যেবো পত্তমে তারারে মরদ্ আর মিলে ইজেবে বানেয়্যে আর কোইয়্যেদে,

মথি লেখ্যে গম্ হবর্ 22:31

মরাগুনোর্ জেদা ওই উদোনা পৌইদ্যেনে গোজেনে যে কধাগান্ তমারে কোইয়্যে সে কধাগান্ কি তুমি বোইয়োত্ ন-পড়?

মার্ক 13:17

সেক্কে যিগুনে পিদিলী আর যিগুনে চিগোন্ গুরোরে বুগো দুধ হাবান্ তারার্ অবস্থা কিবাবোত্যে অবঅ!

মার্ক 2:25

যীশু জোব্ দিলো, “অবিয়াথরে যেক্কে দাঙর্ ধর্মগুরু এলঅ সেই অক্তত্ দায়ূদ আর তা সমাজ্যেগুনোর একপল্লা পেট পুজ্যে, মাত্তর্ তারা সমারে কনঅ হানা ন-এলঅ। সেক্কে দায়ূদে যিয়েন গোজ্যে সিয়েন কি তুমি কনদিনঅ ন-পড়অ? তে দঅ গোজেনর্ ঘরত্ সুমিনে মুজুঙো-রুটি খেইয়্যে আর ধর্মগুরুগুনে বাদে কারর্ কনঅ হানার্ সুদোম ন-এলঅ।”

লূকে লেখ্যে গম্ হবর্ 21:23

সেক্কে যিগুনে পিদিলী আর যিগুনে চিগোন্ গুরোরে বুগো দুধ হাবান্ তারার্ অবস্থা কিবাবোত্যে অবঅ! দেজত্ ভারী দুঘ্ অবঅ আর যিহূদী মানুচ্চুনো উগুরে গোজেনর্ সাজা লামি এবঅ।