মথি লেখ্যে গম্ হবর্ 21:14 - Chakma Bible

¹⁴ ইয়েনর্ পরেদি কান্ আর লেং মানুচ্চুনে উবোসনা-ঘরত্ যীশু ইধু এলঅ, আর তে তারারে গম্ গুরিলো।

মথি লেখ্যে গম্ হবর্ 21:14 ပူးပေါင်းရင်းမြစ်များ

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

মথি লেখ্যে গম্ হবর্ 21:15

তে যেদক্কানি আমক্ অবার্ কাম্ গোজ্যে আজল্ ধর্মগুরুগুনে আর ধর্ম-মাষ্টরুনে সিয়েনি দেগিলাক্। তারা উবোসনা-ঘর ভিদিরে চিগোন্ গুরোগুনে রঅ ছাড়িনে কদে শুনিলাক্, “হোশান্না, দায়ূদো গুট্টি!”

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 9:35

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।