মথি লেখ্যে গম্ হবর্ 21:10 - Chakma Bible

¹⁰ যীশু যিরূশালেমত্ সমানার্ পরেদি গোদা শঅরানত্ রঅ রঅ সঅ সঅ পড়ি গেলঅ। বেক্কুনে পুযোর্ গরা ধুরিলাক্, “ইবে কন্না?”

মথি লেখ্যে গম্ হবর্ 21:10 ပူးပေါင်းရင်းမြစ်များ

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

মথি লেখ্যে গম্ হবর্ 2:3

এ কধাগান শুনিনে রাজা হেরোদে আর তা সমারে যিরূশালেমর অন্য বেক্কুনোর্ মাঢা যাগুলুগ্ অলঅ।

মথি লেখ্যে গম্ হবর্ 21:11

মানুচ্চুনে কলাক্, “তে গালীলোর্ নাসরত্ আদামর্ ভাববাদী যীশু।”

মথি লেখ্যে গম্ হবর্ 21:9

যিগুনে যীশু মুজুঙোত্ আর পিজেদি যাদন্ তারা রঅ ছাড়িনে কুয়ো ধুরিলাক্, “হোশান্না, দায়ূদো গুট্টি! প্রভুর্ নাঙে যিবে এজের্ তার্ বাঈনী ওক্। স্বর্গত্অ হোশান্না!”

লূকে লেখ্যে গম্ হবর্ 5:21

ইয়েন্দোই ধর্ম-মাষ্টর আর ফরীশীগুনে মনে মনে কুয়ো ধুরিলাক্, “এ মানুচ্চো কন্না, যে গোজেনরে অগমান্ গরের্? গোজেনে বাদে আর কন্না পাপ খেমা গুরি পারে?”

লূকে লেখ্যে গম্ হবর্ 7:49

যিগুনে যীশু লগে হেবাত্তে বোচ্চ্যন্ তারা মনে মনে কুয়ো ধুরিলাক্, “ইবে কন্না, যে পাপ্অ খেমা গরে?”

লূকে লেখ্যে গম্ হবর্ 9:9

হেরোদে কোইয়্যেদে, “মুই দঅ যোহন মাঢাবো কাবি ফেলেয়োং। সালে যিবে পৌইদ্যেনে মুই ইয়েনি শুন্ন্যং, তে কন্না?” হেরোদে যীশুরে চেবাত্তে চেরেস্টা গরা ধুরিলো।

যোহন 2:18

সেক্কে যিহূদী নেতাগুনে যীশুরে পুযোর্ গুরিলাক্, “মাত্তর্ এ বেক্কানি গুরিবার্ অধিকারান্ যে তর্ ঘেচ্চেক্‌গুরি আঘে সিয়েনর্ প্রমাণ তুই কি আমারে দেগেই পারচ্?”

প্রেরিত্‌ 9:5

শৌলে পুযোর্ গুরিলো, “প্রভু, তুই কন্না?”

রূত 1:19

ইয়েনর্ পরেন্দি সে দ্বিজনে আঢা মারিলাক্‌ আর শেজন্দি বৈৎলেহমত্‌ যেইনে লুমিলাক্‌। তারা বৈৎলেহমত্‌ লুমোনার পরেন্দি বেক্‌ আদামানিত্‌ এক্কান্‌ উরুসতুল্‌ পড়ি গেলঅ‌। আদামর্‌ মিলেগুনে কলাক্‌, “ইবে কি সেই নয়মী?”

১ শমূয়েল 16:4

শমূয়েলে লগেপ্রভুর কধা মজিম কাম্‌ গুরিলো। তে যেক্কে বৈৎলেহমত্‌ আঝিল্ অলঅ সেক্কে আদামর্‌ বুড়ো মাই-মুরুব্বীগুনে দরে গির্‌গিরাদে গির্‌গিরাদে তার লগে দেগা গুরিবাত্তে এলাক্। তারা পুযোর্ গুরিলাক, “তুই কি শান্তির মনভাব লোইনে এচ্ছোস?”