মথি লেখ্যে গম্ হবর্ 20:30 - Chakma Bible

³⁰ পধ পাজারত্ দ্বিবে কান্ মানুচ্ বুয়োই এলাক্। যীশু সে পধেদি যার্ শুনিনে তারা রঅ ছাড়িনে কলাক্, “প্রভু, দায়ূদোর বংশধর, আমারে দোয়্যে গর্।”

মথি লেখ্যে গম্ হবর্ 20:30 ပူးပေါင်းရင်းမြစ်များ

গীতসংহিতা 146:8

লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্‌পায়।

যিশাইয় 29:18

সেদিন্যে কান্ বরাগুনে সেই জড়া লাগেয়্যে বোইবোর্ কধা শুনিবাক্, আর ঘুর্‌ঘুজ্যে আন্ধারত্ থেইয়্যে কানুনে দেগিবাক্।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 42:18

“ও বহ্‌রা মানুচ্চুন্, শুনো, আর কান্ মানুচ্চুন, তুমি রিনি চঅ।

যিশাইয় 59:10

আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

মথি লেখ্যে গম্ হবর্ 13:4

তে কলঅ, “এক্কো চাষাবলা বীজি ফেলেবাত্তে গেলঅ। ফেলেবার অক্তত্ কয়েক্কো বীজি পধ কুরে পড়িলাক্ আর পেগ্‌কুনে এইনে সিগুন হেই ফেলেলাক্। কয়েক্কো বীজি পাত্তর ভূইয়োত্ পড়িলাক্।

মথি লেখ্যে গম্ হবর্ 15:22

সিদুগোর্ এক্কো কনানীয় মিলে এইনে রঅ ছাড়িনে কুয়ো ধুরিলো, “ও প্রভু, দায়ূদোর্ গুট্টি, মরে দোয়্যে গর্। ভান্ন্যেই আত্মায় পেইনে মঅ ঝিবো অমকদ দুঘ্ পার্।”

মথি লেখ্যে গম্ হবর্ 20:31

তারা যেন অলর্ অন্ সেনত্তে মানুচ্চুনে তারারে ধমক্ দিলাক্। মাত্তর্ তারা আরঅ রঅ ছাড়িনে কলাক্, “প্রভু, দায়ূদোর বংশধর, আমারে দোয়্যে গর্।”

মথি লেখ্যে গম্ হবর্ 21:14

ইয়েনর্ পরেদি কান্ আর লেং মানুচ্চুনে উবোসনা-ঘরত্ যীশু ইধু এলঅ, আর তে তারারে গম্ গুরিলো।

মথি লেখ্যে গম্ হবর্ 21:9

যিগুনে যীশু মুজুঙোত্ আর পিজেদি যাদন্ তারা রঅ ছাড়িনে কুয়ো ধুরিলাক্, “হোশান্না, দায়ূদো গুট্টি! প্রভুর্ নাঙে যিবে এজের্ তার্ বাঈনী ওক্। স্বর্গত্অ হোশান্না!”

মথি লেখ্যে গম্ হবর্ 22:42

“তুমি মশীহ পৌইদ্যেনে কি মনে গরঅ? তে কাহ্ বংশধর্?” তারা কলাক্, “তে দায়ূদ বংশধর্।”

মার্ক 10:46

পরেদি যীশু আর তা শিচ্চ্যগুনে যিরীহো শঅরত্ গেলাক্। যেক্কে তে শিচ্চ্যগুনো সমারে আর ভালোক্কুন্ মান্‌‌‍জ্য সমারে শঅরত্তুন্ যার্ সেক্কে তীময়র পুয়ো বরতীময় নাঙে এক্কো চোগ্ কান্ ভিখেরী পধ পাজারাত্ বুয়োই এল।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

লূকে লেখ্যে গম্ হবর্ 7:21

সেক্কে যীশু বোউত্ মান্‌জ্যরে পীড়েত্তুন্ আর অমকদ যন্ত্রণাত্তুন্ গম্ গুরিলো আর ভান্ন্যেই আত্মায় পেইয়্যে মানুচ্চুনোরে গম্ গুরিলো আর বোউত্ কান্ মান্‌জ্যরেয়ো দেগিবার্ খেমতা দিলো।

প্রেরিত্‌ 2:30

তে এক্কো ভাববাদী এলঅ আর তে কোই পাত্ত গোজেনে শমক্ হেইনে এ এগেমান্ গোজ্যেদে যে, তা সিংহাসনত্ তার এক্কো গুট্টিরে তে বোজেব।