মথি লেখ্যে গম্ হবর্ 20:25 - Chakma Bible

²⁵ সেক্কে যীশু বেক্ থুবেয়্যে গুনোরে ডাগিনে কলঅ, “তুমি এ কধাগান হবর্ পঅ, অযিহূদীগুনো ভিদিরে শাসন গুরিয়্যেগুনে তারার্ প্রভু অন্ আর নেতাগুনে তারা উগুরে উগুম চালান্।

মথি লেখ্যে গম্ হবর্ 20:25 ပူးပေါင်းရင်းမြစ်များ

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 5:19

তারে সেই খেমতা দিইনে বেক্ জাদ্‌‌‌তুনোর্, দেজর আর ভাষার মানুচ্চুনে তা মুজুঙোত্ দরে গির্‌গিরেদাক। তে যিবেরে আওজ্ তারে মারে ফেলেদ, যিবেরে আওজ্ তারে জেদা রাগেদ, যিবেরে আওজ্ তারে দাঙর্ পধত্ তুলিদো আর যিবেরে আওজ্ তারে তলেদি লামেই দিদো।‌‌

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

মথি লেখ্যে গম্ হবর্ 20:24

যেক্কেনে এই কধানি অন্য দশজন শিচ্চ্যই শুনিলাক্, তারা সেই দ্বিভেইয়ো উগুরে রাগ গুরিলাক্।

মার্ক 10:42

সেক্কে যীশু বেক্ থুবেয়্যে গুনোরে ডাগিনে কলঅ, “তুমি হবর্ পঅ, অযিহূদীগুনোর্ শাসন গুরিয়্যেগুনে অযিহূদীগুনোর প্রভু অন্ আর তারার্ নেতাগুনে তারা উগুরে উগুম চালান্।

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।