মথি লেখ্যে গম্ হবর্ 20:22 - Chakma Bible

²² জোবত্ যীশু পুয়োগুনোরে কলঅ, “তুমি কি পুযোর্ গরর্ সিয়েন্ ন-জান। যে দুঘোর্ গলজত্ মুই হেবাত্তে যাঙর্ সিবেত্ কি তুমি হেই পারিবা?” তারা জোবত্ কলাক্, “পারিবোং।”

মথি লেখ্যে গম্ হবর্ 20:22 ပူးပေါင်းရင်းမြစ်များ

গীতসংহিতা 75:3

পিত্‌থিমী আর তার মানব-সমাজর সুদোমানি যেক্কে ভাঙি যায়, সেক্কেনে মুয়ই তার খুদোগুন টিগেই রাগেয়োং।

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিরমিয় 49:12

লগেপ্রভু কোইয়্যেদে, “যিগুনে সাজা পেবার যগাজ্যে নয়, তারার যুনি সাজাগান্ ওইনে গলজত্ হা পড়ে সালে তুই কিত্তে সাজা ন-পেইনে থেবে? তত্তুন্ সেই গলজ্‌‌‌‌‌সোত্ হেইনে সাজা পাহ্ পুরিবো।

মথি লেখ্যে গম্ হবর্ 26:35

পিতরে কলঅ, “মত্তুন্ যুনি তঅ সমারে মরায়ো পড়ে তো মুই কনদিন্অ ন-কোম্, মুই তরে ন-চিনোং।” সেক্কেনে অন্য শিচ্চ্যগুনেয়ো বেক্কুনে সেই একই কধা কলাক্।

মথি লেখ্যে গম্ হবর্ 26:39

পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

মথি লেখ্যে গম্ হবর্ 26:42

তে ফিরি যেইনে দ্বিবারত্ তবনা গুরিনে কলঅ, “ও বাহ্, মুই ন-গুজিলেয়ো যুনি এই দুঘোর্ গলচ্চো দূর্ ন-অয় সালে তঅ আওজ্‌চান পূরোণ্ ওক্।”

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

মার্ক 14:36

তে কলঅ, “বাবা, মঅ বাপ্পো, তইধু দঅ বেক্কানি সম্ভব। এই দুঘোর্ গলচ্চো মত্তুন্ তুই নেযা। তো মর্ আওজ্ মজিম ন-ওক্, মাত্তর্ তর্ আওজ্ মজিম ওক্।”

লূকে লেখ্যে গম্ হবর্ 12:50

মত্তুন্ এক্কো বাপ্তিস্ম লুয়ো পুরিবো, আর যেদক্ দিন সং সিয়েন ন-অয় সেদক্ দিন সং মর্ দুঘোর্ শেজ্ নেই।

লূকে লেখ্যে গম্ হবর্ 22:42

“বাবা, তুই যুনি চাজ্ সালে এ দুঘোর্ গলচ্চো মত্তুন্ সোরেই নেযা। তো মঅ মনেমন্‌জক্কা নয়, তঅ আওজ্ মজিম ওক্‌।”

যোহন 18:11

সেক্কে যীশু পিতররে কলঅ, “তঅ ছুরিগান্ খাবত্ থঅ। বাবা মরে যে দুঘোর্ গলচ্চো দিয়্যে সিবে কি মুই মানি ন-লোম্?”

রোমীয় 8:26

ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।

যাকোব 4:3

তুমি মাগিনেয়ো ন-পঅ, কিয়া তুমি ভান্ন্যেই উদ্দেশ্যে মাগি থাগঅ, যেন তমার কামনা-বাসনা ঈল্ অয়।