মথি লেখ্যে গম্ হবর্ 2:5 - Chakma Bible

⁵ তারা তারে কলাক্, “যিহূদিয়ার বৈৎলেহম আদামত্ তে জোর্মেব, কিয়া ভাববাদীবো এ কধাগান লেখ্যে:

মথি লেখ্যে গম্ হবর্ 2:5 ပူးပေါင်းရင်းမြစ်များ

পত্থম 35:19

রাহেলে মুরি যানার পরেদি ইফ্রাথত্‌, অত্তাৎ বৈৎলেহমত্‌ যেবার পদথ্‌ তারে গোর্ দিয়্যে অলঅ।

মথি লেখ্যে গম্ হবর্ 2:1

যিহূদিয়া রেজ্যর্ বৈৎলেহম আদামত্ যীশুর জর্ম ওইয়্যে। সেক্কে রাজা এলদে হেরোদ। পূগেদি দেজত্তুন্ কয়েক্কো পন্ডিত যিরূশালেমত্ এইনে কলাক্,

মথি লেখ্যে গম্ হবর্ 2:4

হেরোদে বেগ আজল্ ধর্মগুরু আর ধর্ম-মাষ্টরুনোরে ডাগিনে পুযোর্ গুরিলো মশীহ কুদু জোর্মেব।

যোহন 7:42

পবিত্র বোইবো কি ন-কয়, দায়ূদে যে আদামত্ থেদঅ সেই বৈৎলেহমত্ আর তা বংশত্ মশীহ জোর্মেব?”

যিহোশূয় 19:15

সবূলূন-গুট্টির জাগায়ানি ভিদিরে এলদে কটৎ, নহলাল, শিম্রোণ, যিদালা আর বৈৎ-লেহম আদামান্‌। তারা ভাগত্‌ পোজ্যে বারগান্‌ শঅর্‌ আর সিয়েনির কায়-কুরে আদামানি।

বিচের গুরিয়্যেগুন 17:7

সে সময়োত্‌ যিহূদা চাগালাত্‌ বৈৎলেহমর এক্কো লেবীয় গাবুজ্যে যিহূদা-গুট্টির মানুচ্চুনো সমারে বজত্তি গুরিদো।

রূত 1:1

শাজন্‌গুরিয়্যেগুনোর শাজন আমলত ইস্রায়েলীয়গুনোর দেজত্‌ একপল্লা ভাদঅ‌ রাত্ দেগা দিলো। সেক্কে যিহূদা দেজর বৈৎলেহম আদামর এক্কো মান্‌জ্যে তা মোক্কো আর দ্বিবে পূঅরে নেযেইনে কয়েকদিনোত্তে মোয়াব দেজত্‌ বজত্তি গুরিবাত্তে গেলঅ‌।

রূত 1:19

ইয়েনর্ পরেন্দি সে দ্বিজনে আঢা মারিলাক্‌ আর শেজন্দি বৈৎলেহমত্‌ যেইনে লুমিলাক্‌। তারা বৈৎলেহমত্‌ লুমোনার পরেন্দি বেক্‌ আদামানিত্‌ এক্কান্‌ উরুসতুল্‌ পড়ি গেলঅ‌। আদামর্‌ মিলেগুনে কলাক্‌, “ইবে কি সেই নয়মী?”

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”

রূত 4:11

সেক্কে যিগুনে গেদোত্‌ বোই এলাক্‌ তারা আর সেই বুড়ো মুরুব্বীগুনে বেক্কুনে কলাক্, “অয়, আমি সাক্ষী অবং। যে মিলেবো তঅ ঘরত্‌ যার্‌ লগেপ্রভু বর্ দোক্ যেনে তে রাহেল আর লেয়া ধোক্ক্যেন অয়, যিগুনে ইস্রায়েল জাদ্‌তোরে দোল্ পদথ্‌ আন্যন। ইফ্রাথাত্‌ তুই ধন সোম্বোত্তি লাভ গুরিচ্‌ আর বৈথলেহমত বেক্কুনে তর্‌ নাঙান্‌ গিনোদোক্।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”