মথি লেখ্যে গম্ হবর্ 2:3 - Chakma Bible

³ এ কধাগান শুনিনে রাজা হেরোদে আর তা সমারে যিরূশালেমর অন্য বেক্কুনোর্ মাঢা যাগুলুগ্ অলঅ।

মথি লেখ্যে গম্ হবর্ 2:3 ပူးပေါင်းရင်းမြစ်များ

২ রাজাবলী 6:11

ইয়েন্দোই অরামর রাজা জদবদে রাগ্‌ তুলিলো। তা সেনাপতিগুনোরে ডাগিনে তে কলদে, “কঅ, আমা ভিদিরে কন্না ইস্রায়েলর রাজার পক্ষেন্দি আঘে?”

মথি লেখ্যে গম্ হবর্ 2:2

“যিহূদীগুনোর যে রাজাবো জোর্মেয়্যে তে কুদু? পূগেদি আগাজত্ আমি তার্ তারাবো দেগিনে তারে জু জু জানেবাত্তে এচ্চ্যেই।”

মথি লেখ্যে গম্ হবর্ 2:4

হেরোদে বেগ আজল্ ধর্মগুরু আর ধর্ম-মাষ্টরুনোরে ডাগিনে পুযোর্ গুরিলো মশীহ কুদু জোর্মেব।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

মথি লেখ্যে গম্ হবর্ 24:6

তুমি যুদ্ধোর্ রঅ শুনিবাত্যে যর্ আর যুদ্ধোর্ হবরা-হবর্‌অ তুমি শুনিবা। মাত্তর্ উজিয়ার্! ইয়েন্দোই ন-দোরেয়ো, কিয়া ইয়েনি অবঅ; মাত্তর্ সেক্কেয়ো থুম্ নয়।

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

মার্ক 13:7

যেক্কে তুমি যুদ্ধোর্ রঅ আর যুদ্ধোর্ হবর্ শুনিবা সেক্কে ন-দোরেয়ো। ইয়েনি অবঅ, মাত্তর্ সেক্কেয়ো থুম্ নয়।

প্রেরিত্‌ 4:2

ইগুনে অমকদ তোচ্চ্যে পেইয়োন, কিয়া পিতর আর যোহনে মানুচ্চুনোরে শিক্ষ্যে দেদন্ আর যীশুর মাধ্যমে মরাগুনোরে আরঅ জেদা ওই উদোনা পৌইদ্যেনে প্রচার গোজ্যন্।