মথি লেখ্যে গম্ হবর্ 2:23 - Chakma Bible

²³ আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

মথি লেখ্যে গম্ হবর্ 2:23 ပူးပေါင်းရင်းမြစ်များ

গণাণা 6:13

লগেপ্রভুর নাঙে এক্কো নাসরীয়োর যুদো ওই থেবার্‌ সময়ান্‌ পার্‌ ওই যানার্‌ পরেদি এই অনুষ্ঠানান্‌ পালন গরা পুরিবো। তাত্তুন্‌ মিলন-তাম্বুলোর দোরান কায়কুরে যাহ্ পুরিবো।

মথি লেখ্যে গম্ হবর্ 1:22

ইয়েনি বেক্কানি ওইয়্যেদে যেনে ভাববাদীগুনোরে দিইনে গোজেনে এই যে কধানি কোইয়্যে সিয়েনি পরিপূরোন্ অয়:

মথি লেখ্যে গম্ হবর্ 21:11

মানুচ্চুনে কলাক্, “তে গালীলোর্ নাসরত্ আদামর্ ভাববাদী যীশু।”

মথি লেখ্যে গম্ হবর্ 26:71

ইয়েনর্ পরেদি পিতরে বারেদি গেদো কুরে গেলঅ। তারে দেগিনে আর এক্কো চাগরানীয়ে সিদুগোর্ মানুচ্চুনোরে কলঅ, “এ মানুচ্চো নাসরদত্ যীশু সমারে এলঅ।”

মার্ক 1:24

তে রঅ ছাড়িনে কলঅ, “ও নাসরতর্ যীশু, আমা লগে তর্ কি দরকার্? তুই কি আমারে সর্বনাশ্ গুরিবাত্তে এচ্চোস্? মুই হবর্ পাং তুই কন্না; তুই দঅ গোজেনর্ সেই পবিত্র মানুচ্চো।”

মার্ক 1:9

সে অক্তত্ যীশু গালীল রেজ্যর্ নাসরত্ আদামত্তুন্ এলঅ, আর যোহনে তারে যর্দন গাঙত্ বাপ্তিষ্ম দিলো।

লূকে লেখ্যে গম্ হবর্ 1:26

ইলীশাবেতে যেক্কে ছয় মাসর্ পিদিলী সেক্কে গোজেনে গালীল রেজ্যর্ নাসরত আদামর্ মরিয়ম নাঙে এক্কো গাবুজ্যে মিলে ইধু গাব্রিয়েল দূতরে পাধেল। রাজা দায়ূদো গুট্টির যোষেফ নাঙে এক্কো মান্‌জ্য লগে তার্ মেলার্ কধাবাত্তা ঠিগ্ ওইয়্যে।

লূকে লেখ্যে গম্ হবর্ 18:37

মানুচ্চুনে তারে জানেলাক্, নাসরতর্ যীশু সে পধেদি যার্।

লূকে লেখ্যে গম্ হবর্ 2:39

প্রভুর আইন-কানুন্ মজিম্ বেক্কানি থুম্ গুরিনে মরিয়ম আর যোষেফে গালীলোত্ তারার্ নিজো আদামত্ নাসরদত্ ফিরি গেলঅ।

যোহন 18:5

তারা কলাক্, “নাসরত যীশুরে।” যীশু তারারে কলঅ, “মুয়ই সিবে।” যীশুরে যে শত্রুগুনো আদত্ ধুরি দিয়্যে সেই যিহূদায়ো তারা সমারে থিয়্যেই এলঅ।

যোহন 18:7

যীশু আরঅ তারারে পুযোর্ গুরিলো, “তুমি কারে তগর্?” তারা কলাক্, “নাসরত যীশুরে।”

যোহন 19:19

পীলাতে এক্কান্ দুষ্ গোজ্যে বিলি চিদি লিগিনে যীশুর ত্রুুশো উগুরে লাগেই দিলো। সিয়েনত্ লেগা এলঅ, “নাসরতর্ যীশু, যিহূদীগুনোর্ রাজা।”

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

বিচের গুরিয়্যেগুন 13:5

তর্‌ যে পূঅবো অবঅ তুই তা মাধাবোত্‌ কনদিনঅ ক্ষুর্‌ ন-বাজেবে, কিত্যে জর্মত্তুন ধুরি পূঅবো গোজেনর্‌ নাঙে নাসরীয় অবঅ। পলেষ্টীয়গুনোর আঢত্তুন তেয়ই ইস্রায়েলীয়গুনোরে উদ্ধোর গুরিবার কামান আরাম্ভ গুরিবো।”

১ শমূয়েল 1:11

তে লগেপ্রভুর ইদু মানত্ গুরিনে কলঅ, “ও দুনিয়ের গিরোজ্ লগেপ্রভু, তুই যুনি তর্‌ এই চাগরানীবোর মনত্‌ দুঘ্‌কান ইন্দি একবার চাজ্ আর মইন্দি মনযোগ দে আর মরে পুরি ন-ফেলেইনে যুনি তর্‌ এই চাগরানীবোরে এক্কো পূঅ দুয়োচ্‌ সালে সারা ঝিংকানিবর্‌ মুই তারে তর্‌ নাঙে দান গুরিম। তার মাদাবোত্‌ কনদিনঅ ক্ষুর বাজানা ন-অবঅ।”