মথি লেখ্যে গম্ হবর্ 2:13 - Chakma Bible

¹³ পন্ডিত্‌তুনে যানার্ পরেদি প্রভুর এক্কো দূতে স্ববনত্ যোষেফরে দেগা দিইনে কলঅ, “উদ্, পুয়োবো আর তা মাবোরে লোইনে মিসর দেজত্ ধেই যাহ্ আর মুই যেদকদিন সং ন-কং সেদকদিন সং সিধু থেচ্, কিয়া পুয়োবোরে মারে ফেলেবাত্তে হেরোদে তারে তোগেব।”

মথি লেখ্যে গম্ হবর্ 2:13 ပူးပေါင်းရင်းမြစ်များ

১ রাজাবলী 11:17

মাত্তর্‌ হদদে তা বাবর্‌ কয়েক্কো ইদোমীয় কামগুরিয়্যেগুনো সমারে মিসরত্‌ ধেই গেলঅ। সে অক্তত্‌ তে চিগোন্‌ এলঅ।

১ রাজাবলী 3:5

গিবিয়োনত্‌ রেদোলক্কে লগেপ্রভু স্ববনর্‌ ভিদিরেন্দি শলোমনর্ ইদু আজিল্ অলঅ। গোজেনে তারে কলঅ, “তুই মইদু যিয়েনি চেবে মুই সিয়েনিই তরে দিম্‌।”

ইয়োব 33:15

স্ববনত্, রেদোত্ দর্শনর মাধ্যমে, বিচ্ছোনত্ পুরিনে যেক্কেনে মান্‌জ্যর অমকদ ঘুমে ধরে,

ইয়োব 33:17

যেনে মান্‌জ্যে তার অন্যেয় কামত্তুন্ ফিরোন আহ্ অহংকারত্তুন্ দূরোত্ থান।

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

মথি লেখ্যে গম্ হবর্ 1:20

যোষেফে যেক্কে ইয়েনি ভাবের্ সেক্কে গোজেনর এক্কো দূত স্ববনত্ দেগা দিইনে তারে কলঅ, “দায়ূদ বংশধর যোষেফ, মরিয়মরে লবাত্তে ন-দোরেচ্, কিয়া তা পেদত্ যিবে জোর্মেয়্যে তে পবিত্র আত্মার্ খেমতালোই জোর্মেয়্যে। তার এক্কো পুয়ো অবঅ।

মথি লেখ্যে গম্ হবর্ 10:23

কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

মথি লেখ্যে গম্ হবর্ 2:12

পরেদি গোজেনে স্ববনত্ তারারে উজিয়ার্ গুরি দিলো যেন তারা হেরোদ ইধু ফিরি ন-যান্। সেক্কে তারা অন্য পধেদি নিজো দেজত্ ফিরি গেলাক্।

মথি লেখ্যে গম্ হবর্ 2:14

সেক্কে যোষেফে উদিনে সেই পুয়োবোরে আর তা মাবোরে লোইনে সে রেদোত্ মিসরত্ আঢা মারিলো আর হেরোদে ন-মরাণা সং সিদু রলাক্। ইয়েন ঘুদিলো যেন ভাববাদীর মাধ্যমে প্রভু এই যে কধানি কোইয়্যে সিয়েনি পরিপূরোন্ অয়: মুই মিসরত্তুন্ মর্ পুয়োবোরে ডাগি আনিলুং।

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

মথি লেখ্যে গম্ হবর্ 2:22

যিহূদিয়া রেজ্যত্ সেই সময়োত্ হেরোদ পরেদি তা পুয়োবো আর্খিলায় রাজা ওইয়্যে। এ কধাগান শুনিনে যোষেফে সিধু যেবাত্তে দোরেল। পরেদি স্ববনত্ উগুম পেইনে তে গালীল রেজ্যত্ গেলঅ,

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 10:7

যে স্বর্গদূত্‌তো কর্ণীলিয় সমারে কধা কোইয়্যে তে যানার্ পরেদি কর্ণীলিয় দ্বিজন চাগর আর এক্কো সাহায্য গুরিয়্যে সৈন্যরে ডাগিলো। এ সৈন্যবো গোজেন ভক্ত এলঅ।

প্রেরিত্‌ 12:11

সেক্কে পিতরে যেন চেতনা ফিরি পেলঅ আর কলঅ, “ইক্কিনে মুই ঘেচ্চ্যেক্ গুরি বুঝিলুং যে, প্রভু তা দূত্‌তোরে পাধেইনে হেরোদ্অ আঢত্তুন্ আর যিহূদীগুনে যিয়েন গুরিবাত্যে কুজুরোমি গোজ্জ্যন্ সিয়েনিত্তুন্ মরে রোক্ষ্যে গুরিলো।”

প্রেরিত্‌ 12:7

এমন্ সময়োত্ আদিক্ক্যেগুরি প্রভুর এক্কো দূত্ সিয়েনত্ এইনে থিয়েল। সেক্কে জেল্‌খানাত্ সেই ঘরান্ পহ্‌রে জ্বোল্‌জোল্যে ওই উদিলো। স্বর্গদূত্‌তো পিতর কিয়্যেত্ জোরে ঠেলা দিইনে তারে জাগেইনে কলঅ, “যাদিমাদি উদো।” ইয়েন্দোই পিতর দ্বি আঢত্তুন্ শিগোলান্ খুয়োই পড়ি গেলঅ।

প্রেরিত্‌ 16:36

সেক্কে জেল-চুগিদার্‌বো পৌলরে কলঅ, “তরে আর সীলরে ইরি দিবাত্যে শাসনগুরিয়্যেগুনে কোই পাধেয়োন। তুমি ইক্কিনে নিগিলি এজঅ আর গমেডালে যগোই।”

প্রেরিত্‌ 5:19

মাত্তর্ রেদোত্ প্রভুর এক্কো দূত্ জেলো দোরানি খুলিনে তারারে বারেদি আনিনে কলঅ,

প্রেরিত্‌ 7:19

সেই রাজাবো আমা মানুচ্চুনোরে থোগেদ আর আমা পূরোণি মানুচ্চুনোরে অমকদ অত্যেচার্ গুরিদো। এমন্‌ কি, তারার যিদুক্কুন চিগোন গুরো জোর্মেদাক্ সিগুন যেনে মরন্ সেনত্তে সেই চিগোন গুরোগুনোরে বারেদি ফেলেই থবাত্তে বাধ্য গুরিদো।

যিহোশূয় 3:13

তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”

যিহোশূয় 3:17

যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

যিহোশূয় 4:10

গাঙান্‌ পার্ অনার উগুম পৌইদ্যেনে মোশি যিহোশূয়রে উগুম্‌ দি যেইয়্যে। সেনত্তেই মানুচ্চুনোরে কবাত্তে যিহোশূয়রে দিয়্যে লগেপ্রভুর উগুম মজিম মানুচ্চুনে বেক্কানি ন-গরানা সং সাক্ষ্য-সুন্দুক্কো বোইয়্যে ধর্মগুরুগুনে গাঙত্‌ থিয়্যেই রলাক্‌ আর মানুচ্চুনে যাদিগুরি গাঙান্‌ পার ওই গেলাক্‌।

যিহোশূয় 4:18

সেক্কে যে ধর্মগুরুগুনে লগেপ্রভুর সাক্ষ্য-সুন্দুক্কো বুয়োই নেযাদন্‌ তারা গাঙর্‌ সং মোধ্যেত্তুন উদি এইনে শুগুনো মাদিত্‌ টেং দেনার্‌ লগে লগে গাঙর্‌ গঙার পানিগান আরঅ তুবোল্‌ উদিলো আহ্‌ আগঅ‌ ধোক্ক্যেন্‌ দ্বিপার পানিলোই ভাসি গেলঅ।

ফগদাং পেইয়্যে 12:14

সেক্কে সেই মিলেবোরে এক্কো দাঙর্ ঈগলর্ দ্বিয়েন দুয়ো দিয়্যে অলঅ যেন তে ধূল্যেচরত্ তা জাগানত্ উড়িনে যেই পারে। সিধু সেই সাব্‌পোর্ চোগো আন্দলে সাড়ে তিন বজর্ তারে যত্তন্ গরা অবঅ।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 12:6

আর সেই মিলেবো ধূল্যেচরত্ ধেই গেলঅ। গোজেনে সেই ধূল্যেচরত্ তাত্যে এক্কান জাগা থিক্ গুরি থোইয়্যে যেন এক আজার দ্বিশঅ ষায়েত দিন তে সিধু যত্তন্ পায়।