মথি লেখ্যে গম্ হবর্ 19:9 - Chakma Bible

⁹ মুই তমারে কঙর্, যে কনজনে বেভিচের দুষ্ বাদে অন্য কনঅ কারনে মোগোরে ছাড়ি দিইনে আরেক্ জনরে লয় তে বেভিচের্ গরে।”

মথি লেখ্যে গম্ হবর্ 19:9 ပူးပေါင်းရင်းမြစ်များ

পত্থম 20:3

মাত্তর্‌ রেদোত্‌ গোজেনে অবীমেলকরে স্ববনত্‌ দেগা দিইনে কলঅ, “যে মিলেবোরে তুই আন্ন্যস্‌, তার নেক্‌ আঘে। তারে আনানার্ কারনে তুই মরণান ডাগি আন্ন্যচ্‌।”

২ বংশধর 21:11

তে যিহূদার মুড়োগুনো উগুরে পূজোর্‌ অজল্‌ জাগায়ান্‌ বানেল আর তাত্তে যিরূশালেম মানুচ্চুনে বানেয়্যে মূত্তি পূজোবোত্‌ নিজোরে দিলাক্‌ আর যিহূদার মানুচ্চুনে অন্য পধেদি গেলাক্‌।

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিহিষ্কেল 16:15

মাত্তর্ তুই তর্ দোলানর্ সুনাঙান বেশ্যে অবাত্তে বেবহার গোজ্যস্। যে কনজনে তঅ কায়-কুরেদি গেলে তা সমারে তুই সিনেলী গুরিদে আর তে তরে ভোগ্ গুরিদো।

যিহিষ্কেল 16:29

সে পরেদি তুই তর্ ব্যভিচারর কাম বাড়েইনে বণিক্‌কুনোর দেজ্ বাবিল সমারেয়ো ব্যভিচের্ গুরিলে, মাত্তর্ ইয়োত্‌অ তর্ ঈল্ ন-অলঅ।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

মথি লেখ্যে গম্ হবর্ 19:10

সেক্কে তা শিচ্চ্যগুনে তারে কলাক্, “নেগ-মোগোর্ মিল্ যুনি এবাবোত্যে অয় সালে দঅ জড়া ন-গরানা গম্।”

মথি লেখ্যে গম্ হবর্ 19:8

যীশু জোব্ দিলো, “তমার শিক্ষ্যেনি আগাত্যে বিলিনে মোগোরে ছাড়ি দিবাত্তে মোশি তমারে উগুম দিয়্যে। মাত্তর্ পৌইল্যাত্তুন্ ধুরি এবাবোত্যে ন-এলঅ।

মথি লেখ্যে গম্ হবর্ 5:32

মাত্তর্ মুই তমারে কঙর্, যুনি কনজনে বেভিচের দুষ্ বাদে অন্য কনঅ কারনে মোগোরে ছাড়ি দে তে তারে বেভিচারিনি বানায়। আর যিবেরে ছাড়ি দিয়্যে ওইয়্যে সে মিলেবোরে যে লয় তেয়ো বেভিচের্ গরে।

লূকে লেখ্যে গম্ হবর্ 16:18

যে কনজনে নিজো মোক্কোরে ছাড়ি দিইনে আর অন্য মিলেরে লয় তে বেভিচের্ গরে। নেগে যিবেরে ছাড়ি দিয়্যে সেবাবোত্যে মিলেরে যে লয় তেয়ো বেভিচের্ গরে।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

১ করিন্হীয় 7:39

নেক্কো যেদকদিন বাঁজি থায় সেদক দিন মোক্কো তাইধু বান্ন্যে থায়। মাত্তর্ যুনি নেক্কো মুরি যায় সালে তে যিবেরে আওজ্ সিবেরে লোই পারে, খালিক্ সে মানুচ্চো যেন প্রভুর্ অয়।

১ করিন্হীয় 7:4

মোক্কোর্ কিয়্যেগান তার্ নিজোর্ নয়, তা নেক্কোর্। এবাবোত্যেগুরি নেক্কোর্ কিয়্যেগান তার্ নিজোর্ নয়, তা মোক্কোর্।