মথি লেখ্যে গম্ হবর্ 19:6 - Chakma Bible

⁶ ইয়েনত্তে তারা আর দ্বিজন নয়, মাত্তর্ এক্কানকিয়্যে। সেনত্তে গোজেনে যিয়েন্ এক সমারে মিজেয়্যে মানুচ্ সিয়েন ফারগ্ ন-গোরোক্।”

মথি লেখ্যে গম্ হবর্ 19:6 ပူးပေါင်းရင်းမြစ်များ

গম্ উপদেজ্ 2:17

তে তার গাবুরো অক্তত্ নেক্কোরে ছাড়ি দিয়্যে আর তার গোজেনর থিদেবর্ গোজ্যে সুদোমানি অমান্য গোজ্যে।

মালাখি 2:14

তুমি কত্তে, “কিত্তে ন-গরঅ?” ইয়েনর্ কারনান্ অলঅ, লগেপ্রভু তমার্ পত্তি মান্‌জ্যরে আর তার্ গাবুজ্যে কালর্ মোগ্ লনার্ সাক্ষী ওইয়্যে; মাত্তর্ যুনিয়ো সেই মিলেবো তা সমাজ্যে, তার্ মেলালোই চুক্তি গোজ্যে মোগ্, তো তে তা লগে বেঈমানী গোজ্যে।‌‌‌

মালাখি 2:16

ইস্রায়েলর গোজেন লগেপ্রভু কত্তে, “মুই মোগোরে ছাড়ি দেনা ঈচ্ গরং।” ইয়েনি বাদেয়ো বেগত্তুন্ খেমতাবলা লগেপ্রভু কত্তে, “যে মানুচ্চো কাবড়্ বুনেদে ধোক্ক্যেন নিজোরে অত্যেচার্ দিইনে সাজে তার সেই কামানি মুই ঘিনাং। সেনত্তে তুমি তমা মন পৌইদ্যেনে উজিয়ার অ, বেঈমানী ন-গোজ্য।”

মথি লেখ্যে গম্ হবর্ 19:5

‘ইয়েনত্তে মানুচ্ মা-বাবরে ছাড়িনে তা মোগো সমারে এক্ ওইনে থেবাক্ আর তারা দ্বিজনর্ এক্কান্ কিয়্যে অবঅ’?

মথি লেখ্যে গম্ হবর্ 19:7

সেক্কে ফরীশীগুনে তারে কলাক্, “সালে মোশি কিত্তে ছুড়্ কাবোজ্ দিইনে মোগোরে ছাড়ি দিবাত্তে উগুম্ গোজ্যে?”

মার্ক 10:9

সেনত্যে গোজেনে যিয়েন এক সমারে মিজেয়্যে মানুচ্ সিয়েন ফারগ্ ন-গোরোক্।”

রোমীয় 7:2

যেদক্ দিন নেক্কো বাঁজি থায় সেদক্ দিন সং মোক্কো রীদি-সুদোমদোই তা সমারে বান্যে থায়। মাত্তর্ নেক্কো মরানার্ পরেদি সেই আইনোর্ বান্যেগানত্তুন্ মোক্কো উদ্ধোর্ অয়।

ইফিষীয় 5:28

নেগ্‌কো যেধোক্ক্যেন নিজোর্ কিয়্যেগানরে কোচ্‌পায় ঠিগ্ সেধোক্ক্যেন গুরি নিজো মোগ্‌কোরেয়ো তার্ কোচ্‌পানা উচিত্। যে নিজোর্ মোগরে কোচ্‌পায় তে নিজোরে কোচ্‌পায়।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।